Ызбекистон республикаси олий ва

4-MA'RUZA. KONSTRUKSION POLIMER MATERIALLAR 

 

1. Presslangan polimer materiallar. 

2. Profil-pogonajli polimer materiallar. 

3. Ko’pik polimer materiallar. 

4. Qoplama polimer materiallar. 

 

4.1. Presslangan polimer materiallar. 

Polimer  -  yuqori  molekulali  birikmalar  (masalan,  sellyuloza,  oqsil  moddalar) 

va  past  molekulali  moddalar  (masalan,  tabiiy  gaz,  neft,  ko‘mir  va  h.k.)  asosida 

kimyoviy  reaksiya  (sintez)  bilan  olinadigan  modda.  Polimerlar  molekulasi  bir  xil 

tuzilishga  ega  bo‘lgan  va  kimyoviy  bog‘lar  bilan  o‘zaro  bog‘langan  ko‘plab 

zvenolardan (monomerlardan) tashkil topadi. 

Monomer  -  polimerlar  tarkibiga  kiruvchi  bir  xil  tuzilishdagi  molekulalar. 

Monomerlar  o‘zaro  bir-biri  bilan    chiziqli,  tarmolangan  va  fazoviy  (to‘rsimon) 

ravishda birikadi. 

Polimerlanish  -  polimerlarni  sintez  qilishning  asosiy  usuli.  Bunda 

to‘yinmagan  monomer  molekulalari,  ya’ni  ikkilamchi  va  uchlamchi  bog‘larga  ega 

bo‘lgan  molekulalar  bir-biri  bilan  elementlar  tarkibini  saqlab  qolgan  holda 

bog‘lanadi.  Polimerlanish  reaksiyasi  zanjirli  (radikal  yoki  ionli) va  bosqichli  tarzda 

kechishi mumkin.