Ызбекистон республикаси олий ва

Гомстед (ингл) – томорқа ер, ер бўлаги, АҚШда фермарлар ерининг номи. Колонистлар – кўчиб келувчиларга имтиёз билан берилган.
Декабристлар – XIX асрнинг 20-йилларида Россияда бўлган дворян ислоҳотлари ҳаракати қатнашчилари.
Директория (лот) – 1795-1799 йилларда Францияда давлат ҳокимиятининг раҳбарлик органи. 1 йил муддатга сайланадиган 5 директордан иборат ҳукмат номи.
Доктрина (лот) – ўрганиш, таълимот, илмий ёки фалсафий назария,сиёсий тизим.
Доминион (ингл) – ўзини- ўзи бошқариш ҳуқуқини олган мустамлака. Англия ҳукмати инглизлар томонидан ўзлаштирилган мустамлакаларга шундай ҳуқуқ берган.
Жирондистлар- 1791-1793 йилларда Франция ҳукматини бошқарган, мўътадил тслоҳотчилар гуруҳи.
Забастовка, стачка- иш ташлаш.
Иммунитет (лот) – феодалнинг муаян ҳудудда давлатнинг айрим вазифаларини (суд, солиқ йиғиш) бажариш ҳуқуқи.
Индепендентлар (ингл) – мустақиллар. Инглиз протестантлари (пуританлар) ичидаги оқимлардан бири.
Интервенция (лот) – аралашиш, бостириб кириш, тажовуз, бир давлатнинг иккинчи бир давлат ички ишларига ёки унинг учинчи бир давлат билан ўзаро муносабатларига аралашиши.
Июль ордонанслари (фр) – 1830- йилнинг июлида Франция қироли Карл X эълон қилган фармонлар. Ҳукмат мамлакатда абсолютизмни тикламоқчи бўлган.
Капитал (лот) – сармоя. Даромад олиш мақсадида сарфланадиган пул.
Карбаналлар (итал) – кўмирчилар. Италияда XIX асрнинг биринчи ярмида миллий ҳаракатдаги сўл оқимлардан бири. Инқилобийлиги билан фарқланган.
Ку-клукс-клан (ингл) – АҚШда реакцион буржуазия маблағ билан таъминлаб турган фашистик террорчи ташкилот.
Ландтаг (нем) – Ер, мамлакат, йиғин.
Либераллар (лот) – феодал абсолютизми тартибларига қарши ислоҳотчилик ҳаракатидаги оқимлардан бири. Улар ижтимоий- иқтисодий, сиёсий муносабатларни эркинлаштиришни талаб қилганлар. Сиёсий эркинликлар, тадбиркорлик эркинлиги, мулкни хусусийлаштириш уларнинг асосий талаблари бўлган.