Ызбекистон республикаси олий ва

8. ГЛОССАРИЙ:


Аболиционизм (ингл) - бирор қонунни бекор қилишни кўзда тутган ҳаракат. XVIII аср охири- XIX асрнинг биринчи ярмида Ғарбий Европа ва Америка мамлакатларида қулчиликни тугатишга қаратилган ижтимоий ҳаракат мафкураси.
Абсолютизм (лот) - ҳокими мутлақлик, мустабид ҳокимият, подшонинг чекланмаган ҳокимиятига асосланган идора усули, давлат тузуми.
Анархия (юнон) - ҳокимиятсизлик, бошбошдоқлик, ҳар қандай давлат ҳокимиятини инкор этиш.
Антанта (фр) -“Юракдан келишув”, бу Англия, Франция ва Россиянинг ҳарбий иттифоқи бўлиб, 1904-1907 йилларда Германия, Австрия-Венгрия ва Италияга қарши тузилган.
Баррикада (фр) - кўчани тўсиш, банд қилиш, кўприк ва тоғ йўлларига ёғоч, қум, тупроқ, қулатилган дарахтлар билан сунъий тўсиқ қўйиш.
Баршчина (рус) -феодал рентасининг бир кўриниши. Ишлаб бериш мажбурияти феодал феодал тартиблар ислоҳ қилинган XVIII - XIX асрларда, ер эгалигини хусусийлаштириш шароитида бекор қилинган.
Бойкот (ингл) - ижтимоий кураш усули. Сиёсий ва иқтисодий кураш олиб бориш мақсадида ташкилот ёки давлат билан алоқани тамоман ёки қисман узиш, масалан, сайловларни бойкот қилиш, сайловларда қатнашмаслик.
Версалчилар- Париж Коммунаси ташкил топгач Версалга қочиб кетган Тьер бошчилигидаги инқилобга қарши ҳукмат раҳбарлари ва тарафдорлари.
Виглар (ингл) - XVIII - XIX асрларда Англиядаги ҳукмрон сиёсий партиялардан бири. Парламентда қирол абсолютизмига мухолифат сифатида шаклланган йирик савдо-молия соҳибкорлар ва ер эгаларининг бир қисмининг манфаатларини ифодалаган. XIX асрда либерализм мафкурасини қабул қилган. Либераллар номини олган.
Габсбурглар (нем) - Муқаддас Рим империяси. 1806-йилдан Австрия империяси, 1867 –йилдан Австрия-Венгрия империясида ҳукмронлик қилган император сулоласининг фамилияси.
Гарнизон (фр)- шаҳар ёки қалъада доимий ёки вақтинча жойлашган ҳарбий қисмлар, штаблар, ҳарбий ўқув юртлари бирлашмаси.