Ызбекистон республикаси олий ва ырта

Ҳуқуқий таваккалчиликлар
. Қонунчиликнинг мукаммал эмаслиги, 
ҳужжатларнинг аниқ расмийлаштирилмаганлиги, қонунчиликнинг икки ҳил 
талқин қилиниши билан боғлиқ бўлади.
 
Таваккалчиликни камайтириш учун амалга оширилувчи тадбирлар:
 

ҳужжатларнинг мос келувчи қисмларини аниқ ифодалаш;
 

ҳужжатларни расмийлаштириш учун ушбу соҳада амалий тажрибага 
эга бўлган мутахассисларни жалб қилиш.
 
Ишлаб чиқариш таваккалчиликлари.
Ишлаб чиқаришнинг мураккаблиги, 
ахборот технологиялари соҳасида техника тараққиётининг юқорилиги, 
кўрсатилаётган хизматлар сифатининг пастлиги билан боғлиқ бўлади.
 
Таваккалчиликни
камайтириш учун амалга оширилувчи тадбирлар:
 

юқори малакали кадрларни танлаш;
 

ходимлар малакасини оширишни доимий рағбатлантириш;
 

кўрсатилаётган хизматлар сифатини назорат қилиш тизимини ишлаб 
чиқиш ва ундан фойдаланиш;
 

зарур асбоб-ускуналарни харид қилиш учун ўз вақтида етарлича 
маблағ ажратиш.
 
Маркетинг таваккалчиликлари.
Бозорга чиқишда ушланиб қолиш, 
хизматларни нотўғри танлаш, маркетинг стратегиясини танлашда адашиш, баҳо 
сиёсатидаги хатолар билан боғлиқ бўлади.
 
Молиявий, инновацион, ижтимоий
ва бошқа таваккалчилик турлари. 
 
Қисқа хулосалар 
Бизнес-режа – корхонанинг муҳим ҳужжати бўлиб, уни тайёрлаш кўп вақт 
ва ходимларнинг иштирокини талаб қилади. Шу сабабли бизнес-режани ишлаб 
чиқиш жараёни корхона раҳбарияти томонидан маълум маънода бошқарилишни 
талаб қилади. 
Бизнес-режани ишлаб чиқаришга раҳбарлик қилиш мос равишда 
жавобгарлик ва масъулиятни ҳам англатади. Бажарилган ҳисоб-китоблар, 
кўрсаткичлар ва бизнес-режа таркибининг ишончлилиги учун асосан корхона 

---

54 
раҳбари жавобгар ҳисобланади. 
Бизнес-режани тайёрлашни самарали бошқаришдан уни тайёрлаш учун энг 
кам вақт сарфланиши далолат беради. Энг оптимал вариант – режадаги янги йил 
бошига бизнес-режанинг тайёр бўлишидир. 
Бизнес-режанинг ресурслар билан таъминланганлиги ушбу ҳужжатнинг 
муҳим бир талаби ва шу билан бир пайтда унинг ҳаётийлигини акс эттирувчи 
кўрсаткич ҳамдир. Бу ерда режадаги давр учун маҳсулот ишлаб чиқаришда қачон, 
қанча ва қандай ресурслар талаб қилиниши ва уларни қоплаш манбаларини 
аниқлаш каби масалалар ҳал этилиши лозим. 
Корхона бозор субъекти сифатида ҳозирги шароитларда истаса-истамаса 
бизнес ва тадбиркорлик билан боғлиқ бўлади. Бозор талаби корхона фаолиятини 
ўлчаб турувчи ўзига хос «барометр» вазифасини бажаради. Бу эса корхонани ўз 
бизнесини суғурталаш, айниқса, тижорат, молиявий ва бошқа бир қатор 
таваккалчиликларнинг олдини олишни талаб қилади.