Ызбекистон республикаси олий ва ырта

Informatika kursining o‘quv-metodik ta'minoti
O‘quv-metodik ta'minot sohasida informatika o‘qitish uslubiyoti o‘z oldiga o‘quvchilar uchun qiziqarli darsliklar va o‘quv qo‘llanmalarini, o‘qituvchilar uchun esa uslubiy ishlanmalarni yaratishni maqsad qilib qo‘yadi.

O‘quv-uslubiy ta'minot o‘quv dasturlari, darsliklar, o‘quv va uslubiy qo‘llanmalarni o‘z ichiga oladi. Bunda asosiy o‘rin darslik va o‘quv qo‘llanmalariga ajratilgan. Qolgan o‘quv-uslubiy ta'minot asosiy darslik bilan yaqindan bog‘langan bo‘lib, darslikdagi g‘oyalarni tushuntirish va rivojlantirishga xizmat qilishi lozim.

O‘quv-uslubiy ta'minot tarkibiga davriy nashrlardagi, oliy va o‘rta maxsus ta'lim va xalq ta'limi vazirliklar nashrlaridagi uslubiy materiallarni va me'yoriy hujjatlarni kiritish mumkin.

O‘quv-uslubiy ta'minotning hozirgi davrdagi muhim kompanenti bu, elektron o‘quv-uslubiy materiallardir.

O‘zbekiston Respublikasida o‘quv jarayonida elektron darsliklar keng qo‘llanilmoqda. O‘quv-uslubiy adabiyotlarning yangi avlodini yaratish konsepsiyasi, an'anaviy materiallardan foydalanishdan tashqari, quyidagi elektron o‘quv-uslubiy materiallarni ishlab chiqishni nazarda tutadi.

• 
  elektron ma'lumotnomalar;
  
• 
  elektron o‘quv qo‘llanmalar;
  
• 
  elektron darsliklar;
  
• 
  elektron ensiklopediyalar;
  
• 
  elektron plakatlar
  
• 
  elektron laboratoriya ishlari
  

va hokazo.