Ызбекистон республикаси мещнат вазирлиги

1.4.11.1. Кадрлар ва маиший масалалар билан шуғулланувчи трест бошқарувчиси (бирлашма бош директори (бошлиғи) ўринбосари қуйидагиларга масъул:

1. 
   меҳнат муҳофазаси бўйича қоидалар ва меъёрларни билиши ва уларни бажариши;
   
2. 
   меҳнат шароитларини яхшилаш, меҳнат муҳофазаси ва санитария-соғломлаштириш мажмуавий режасининг тегишли бўлимларини ишлаб чиқишда иштирок этиши, шунингдек, қабул қилинган мажуавий режанинг бажарилишини таъминлаши;
   
3. 
   иш жойларининг аттестацияси, ҳисобга олиш ва режалаштириш, иш вақтидан фойдаланишни яхшилаш, иш усуллари ва методларини такомиллаштириш бўйича тадбирларни ишлаб чиқишда иштирок этиши;
   
4. 
   фаолияти доирасига тегишли бўлган меҳнат хавфсизлиги бўйича стандартларнинг татбиқ қилинишини таъминлаши;
   
5. 
   ишчиларни қурилиш-монтаж ташкилотларининг маиший бинолари ва хоналари, соғломлаштириш ва овқатланиш пунктларини лойиҳалаш бўйича меъёрларга биноан қурилган ва жиҳозланган санитария-маиший ва санитария-техник қурилмалар билан таъминланишини назорат қилиши;
   
6. 
   ётоқхоналар, ошхоналар ва бошқа маиший хоналарнинг санитария-гигиена ҳолатини; ишчиларнинг иссиқ овқат, ичимлик суви, тиббиёт қутилари, ва бошқа биринчи ёрдам кўрсатиш воситалари билан таъминланишини назорат қилиши;
   
7. 
   ойда бир мартадан кам бўлмаган миқдорда идорага бўйсинувчи бўлинмаларда (ётоқхоналар, маиший хоналар, мактабгача болалар муассасаларида, дам олиш лагерларида ва бошқаларда) меҳнат шароитлари ва ишлаб чиқариш маданиятини текшириш ва аниқланган камчиликларни бартараф қилиш бўйича чоралар кўриши;
   
8. 
   санитария-гигиена меъёрлари талабларига жавоб бермайдиган санитария-маиший хоналар ва биноларни беркитиши, аниқланган қоидабузарликларни бартараф қилиш бўйича чоралар кўриши;
   
9. 
   ишчиларнинг меҳнат шароитлари ва уларга санитария-маиший хизматлари кўрсатилишини яхшилаш бўйича берилган кўрсатмаларнинг бажарилишини назорат қилиши;
   
10. 
    Меҳнат қонунчилигига амал қилиниши назорат қилиши; аёллар, ўсмирлар ва енгил меҳнатга ўтказилган шахслар меҳнати муҳофазасига алоҳида эътибор бериши, шунингдек, зарарли меҳнат шароитларида ишловчилар учун қўшимча меҳнат таътиллари ва имтиёзларнинг тўғри тақсимланишини назорат қилиши;
    
11. 
    Санитария-маиший ва тиббий таъминот, шунингдек ишловчиларнинг умумий касалланиши бўйича ўз вақтида ҳисобот берилишини ҳисобга олиши ва таъминлаши;
    
12. 
    юқори ишлаб чиқариш ва меҳнат интизомини таъминлаш ва меҳнат хавфсизлиги қоидалари бузилишининг олдини олиш мақсадида тизмий равишда тушунтириш ишларини олиб бориши лозим.
    

13. 
    Меҳнат муҳофазаси бўйича қоидалар ва меъёрлар бузилишини бартараф қилиш бўйича чоралар кўради. Алоҳида ҳолларда, агар ишлаб чиқариш жараёни ишловчиларнинг хавфсизлигига бевосита таҳдид солса, ишни тўхтатиб, бу ҳақда раҳбариятга хабар бериши ва меҳнат муҳофазаси бўйича журналга қайд қилиши (уч босқичли назорат босқичи) лозим.
    

1.4.11.2. Кадрлар ва маиший масалалар билан шуғулланувчи трест бошқарувчиси (бирлашма бош директори (бошлиғи) ўринбосари хавфсиз ва зарарсиз меҳнат шароитини яратишда фаол иштирок этаётган ходимларни рағбатлантириш, шунингдек меҳнат хавфсизлиги талабларини бузаётганларни жазолаш тўғрисида раҳбариятдан сўраш ҳуқуқига эга.
1.4.12. И ш л а б ч и қ а р и ш м а с а л а л а р и б и л а н ш у ғ у л л а н у в ч и т р е с т б о ш қ а р у в ч и с и (б и р л а ш м а б о ш д и р е к т о р и ( б о ш л и ғ и) ў р и н б о с а р и