Ызбекистон Республикаси Бош прокуратураси

Айбловни ўзгартириш тўғрисида
Қ А Р О Р

____ йил _______ _______________

(кун, ой) (ҳудуд)

Миробод туман прокуратураси терговчиси, 1-даражали юрист Б.Бекжонов, иш юритувимдаги 15/1234-сонли жиноят иши бўйича тўпланган материаллар билан танишиб, қуйидагиларни

А Н И Қ Л А Д И М:

Дастлабки тергов ҳужжатларига кўра, 22.01.2018 йилда фуқаро М.Обидов укаси Г.Обидов билан олдиндан бўлган адовати замирида, яъни уй-жойга эгалик қилиш ниятида уни қасддан ўлдириб, ўч олиш мақсадида, ошхона пичоғи билан қуролланиб, ниқобланиб, 20.01.2018 йил соат 22⁰⁰ларда укаси Г.Обидов яшаб келаётган Миробод тумани, Оққўрғон кўчаси, 11-уй, 53-хонадонга дераза орқали ғайриқонуний равишда кириб, ошхонада бўлган Г.Обидовга пичоғи билан ҳужум қилиб, ҳаёти учун муҳим бўлган чап кўкрак соҳасига бир марта уриб, Г.Обидов ҳимояланиб, қаршилик кўрсатганида, қўшниси Ж.Акбаров етиб келиб, уларни ажратган, натижада М.Обидов ўзига боғлиқ бўлмаган ҳолда қотиллик жиноятини охирига етказа олмаган.

23.01.2018 йилда М.Обидовга нисбатан Ўзбекистон Республикаси ЖКнинг
25, 97-моддаси 2-қисми “и” банди билан айблов эълон қилинган.
Жабрланувчи Г.Обидовнинг олган оғир тан жароҳати юзасидан РШТТЁКМда кўрсатилган тиббий муолажаларга қарамасдан 24.01.2018 йил соат 22¹⁰да вафот этган.
М.Обидовнинг содир этган ҳаракати Ўзбекистон Республикаси ЖКнинг
25, 97-моддаси 2-қисми “и” бандидан жиноят натижасида келиб чиққан оқибатларига кўра, жавобгарликни оғирлаштирувчи ҳолатда қасддан одам ўлдиришда ифодаланганлиги сабабли, 23.01.2018 йилдаги айбловни Ўзбекистон Республикаси ЖКнинг 97-моддаси 2-қисми “и” бандига ўзгартириш лозим.
Бинобарин, Ўзбекистон Республикаси ЖПКнинг 36 ва 362-моддасини қўллаб,


Қ А Р О Р Қ И Л Д И М:

1. Мазкур жиноят иши бўйича Мансур Бардибоевич Обидовга муқаддам эълон қилинган айблов ўзгартирилиб, Ўзбекистон Республикаси ЖКнинг 97-моддаси

2-қисми “и” банди билан айбланувчи тариқасида ишда иштирок этиш учун жалб қилинсин ва унга бу ҳақда айблов эълон қилинсин.
2. Қарор нусхаси Миробод туман прокурорига юборилсин.