Ызбекистон давлат жисмоний тарбия институти

Машқни яхлит ўргатиш методи. Бу-ўрганилаётган харакат ёки фаолият-ни (машқни), 
қандай кўрсатилган ва тушунтирилган бўлса, худди шундай яхлит такрорлаш демакдир. 
Югуриш, сакраш, улоқтиришни ўргатишда бу метод, шуғулланувчиларнинг шахсий 
қобилиятига мос келадиган харакат малакалари хосил қилишга ёрдам беради. 
Жуда мураккаб техникани яхлит метод билан ўргатишда олдинига ўргани-лаётган 
харакатнинг моҳиятини ўзгартирмасдан оддийлаштириш керак. Масалан, улоқтиришнинг 
моҳияти, снарядни ташлаб юборишдан иборат. Найза турган жойдан ташланса хам, югуриб 
келиб ташланса хам улоқтириш бари бир улоқтиришлигича қолаверади-ю, фақат фаолият 
мураккаблиги ўзгаради. Машқ аста-секин мураккаблаштира борилади. Хар гал машқ 
олдингисидан мураккаблаша бориб, ўрганилаётган техниканинг тўлиқ бажарилишига аста-
секин етиб олинади. 
Машқни бўлаклаб ўргатиш методи. Бу метод яхлит машқнинг айрим қисмлари 
тўғрисида тасаввур хосил қилиш, уларни ўрганиш, тузатиш, такомил-лаштириш ва 
мустаҳкамлаш учун қўлланилади. Ўқувчи бир мунча вақт машқ-нинг бир элементини, 
деталиги ўзлаштиради. Айрим харакат етарли даражада мустахкам ўзлаштирилгандан кейин, 
у яхлит фаолият билан боғланади. Бунинг учун ўқувчи тузатилган деталнинг тўғри 
бажарилишига эътибор бериб, яхлит фаолиятни қайтадан бажаради. 
Спорт техникасини амалий бажаришни ўргатиш усуллари ва йўллари. 
Кўрсатилган методлар билан спорт техникасини ўргатиш процессида машқни биринчи бор 
бажаришга ва тўғри бажаришга ёрдам берадиган турли хил усуллар ва йўллар қўлланилади. 
Одатда бу усуллар ва йўллар ўрганилаётган машқни бажариш шароитини енгиллаштиришга 
асосланган. 
Машқни тўғри бажариш учун, айниқса биринчи гал тўғри бажариш учун ташқи 
шароитни енгиллаштириш, яъни улоқтирувчилар учун снаряд оғирлиги-ни камайтириш, ғов 
ошарлар ва сакровчилар учун тўсиқ баландлигини пасай-тириш, лангарчўп билан 
сакровчилар учун ушлаш баландлигини пасайтириш, югурувчилар учун масофани 
қисқартириш ва хоказолар тавсия этилади.