Ixtiroga o‘zbekiston respublikasining patentini berish uchun talabnomalarni tuzish, topshirish va ko‘rib chiqish qoidalari to‘G‘risida

IV BOB. XALQARO TALABNOMANI TOPShIRISh VA KO‘RIB ChIQISh 
§ 26. Xalqaro talabnomani topshirish 
273. RSTning 2(xv) moddasiga muvofiq Agentlik O‘zbekiston Respublikasida qabul 
qiluvchi idora funksiyasini bajaradi, bunda u RST shartnomasi, Yo‘riqnomasi, BIMT Xalqaro byurosi 

---

tomonidan chop etiladigan tegishli qo‘llanmalar, va shuningdek, Qonun va ushbu Qoidalarga amal 
qiladi. 
274. Xalqaro talabnoma Agentlikka rus yoki ingliz tilida topshiriladi. 
Xalqaro talabnoma uch nusxada topshirladi. Hamma hujjatlar, zarur bo‘lgan hollarda ularni 
bevosita reproduksiya qilinib, cheklanmagan miqdorda nusxa ko‘chirish imkoniyati bo‘lgan tarzda 
rasmiylashtiriladi. 
Har bir varaqning faqat bir tomonidan, qatorlarni varaqning kichik tomoniga parallel 
joylashtirilgan holda foydalaniladi. 
Agar xalqaro talabnoma talab qilingandan kam nusxada topshirilgan bo‘lsa, 
Yo‘riqnomaning 21.1(s) qoidasiga ko‘ra talabnoma beruvchi belgilangan tarifni to‘lagan holda qabul 
qiluvchi idora nusxalarning kerakli sonini tayyorlab beradi. 
Xalqaro talabnoma arizasi mahsus blankda yoki kompyuterdan chiqarilgan holda 
topshiriladi. 
Agar xalqaro talabnoma PCT-SAVE dasturiy ta’minotidan foydalangan holda 
rasmiylashtirilgan bo‘lsa, qog‘ozda berilgan xalqaro talabnomaga PCT-SAVE formatidagi ariza va 
txt formatidagi referatni o‘z ichiga olgan mashinada o‘qiladigan axborot tashuvchi ilova qilinadi.
Tarkibida nukleotidlar va/yoki aminokislotalarning ochilgan ketma-ketligi bo‘lgan xalqaro 
talabnomada ST.25 BIMT standarti talablariga javob beradigan ketma-ketliklar ro‘yxati talabnoma 
tavsifining alohida qismi ko‘rinishida beriladi.
275. O‘zbekiston Respublikasida yaratilgan ixtiroga xalqaro talabnoma quyidagi shartlardan 
biri bajarilgan holda topshirilishi mumkin: 
xalqaro talabnoma topshirilgunga qadar ixtiro yoki foydali modelga O‘zbekiston 
Respublikasi patentini berish uchun milliy talabnoma Agentlikka topshirilgan; 
xalqaro talabnoma arizasida O‘zbekiston Respublikasi talabnoma beruvchi patentini olishni 
istagan davlat sifatida ko‘rsatilgan. 
276. Xalqaro talabnoma RST shartnomasining 11(1) va 14 moddalarining talablariga 
muvofiqligi tekshiriladi. Tekshirishi ijobiy natija bilan yakunlangan xalqaro talabnoma bo‘yicha 
xalqaro topshirish sanasi belgilanadi.