Иқтисодий ва туризм географияси фан дастури

3-модул. Ҳозирги замон дунё сиёсий харитаси

Дунё сиёсий харитаси ҳақида тушунча. Дунё сиёсий харитаси шаклланишининг асосий босқичлари. Қадимги дунё ва ўрта асрлардаги дунё сиёсий харитаси. Буюк географик кашфиётлар ва Европа мустамлакачилик босқичининг бошланиши. Биринчи ва иккинчи жаҳон уруши таъсирида дунё сиёсий харитасида юз берган сиёсий ўзгаришлар. Халқаро муносабатларда янги даврнинг бошланиши, МДҲ мамлакатларини юзага келиши ва бошқа ўзгаришлар. Ҳозирги дунё мамлакатларининг давлат тузумлари. Республика ва монархия бошқарув шакллари. Дунё мамлакатларининг тоифаларга бўлиниши. Ҳудудининг катталиги, аҳоли сони ва дунё мамлакатларининг иқтисодий ривожланиши даражаси бўйича типларга ажраилиши. Гигант, катта, ўртача, кичик ва жуда кичик (митти) давлатларга бўлиниши.

4-модул. Дунё аҳоли географияси

Аҳоли сони, аҳолининг қайта тикланиши, «демографик сиёсат»,
«демографик портлаш», «демографик танглик», «аҳоли миграцияси»,
«урбанизация», «агломерация» тушунчларининг мазмуни. Материклар ва мамлакатлар бўйича аҳолининг жойлашиши ва зичлиги. Дунё аҳолисининг табиий ўсиши. Ташқи ва ички миграция. Аҳолининг таркибий тузилиши. Жинсий, ирқий, миллий, диний ва ёш таркиби. Дунёнинг шаҳар ва қишлоқ аҳолиси. Юқори ва кам даражада урбанизациялашган мамлакатлар. Меҳнат ресурслари ва уларнинг бандлиги муаммолари.

5-модул. Дунё хўжалиги географияси

Дунё хўжалиги тўғрисида тушунча, унинг мазмун моҳияти. Дунё хўжалигининг шаклланиши ва унинг асосий босқичлари. Халқаро меҳнат тақсимоти. Халқаро иқтисодий интеграциялар. Фан техника тараққиёти (ФТТ)
нинг дунё хўжалиги ривожланишига, тармоқ ва ҳудудий тузилмаларига таъсири. Дунё хўжалиги тузилмаси. Дунё саноатининг етакчи тармоқлари географияси. Дунё бўйича ёқилғи-энергетика, металлургия, машинасозлик, кимё, енгил ва озиқ-овқат саноатларининг жойланиши. Қишлоқ хўжалигининг жойланиши ва ривожланиш хусусиятлари. Дунё деҳқончилиги ва чорвачилиги етакчи тармоқларини жойланиши. Транспортнинг асосий турлари, дунё аҳамиятидаги энг муҳим қуруқлик, денгиз ва ҳаво йўллари. Транспортнинг халқ хўжалигидаги аҳамияти.