Иқтисодиёт (тармоқлар ва соҳалар бўйича) таълим йўналиши талабалари учун “Корхона иқтисодиёти” фанидан

2. Ўз айланма маблағлар билан таъминланганлик коэффициенти (Кхм) − корхонанинг барқарор ишлаб чиқариш-хўжалик фаолиятини юритиш учун зарур бўлган айланма маблағлар мавжудлигини тавсифлайди. Шунингдек у, корхона эгалари ва кредиторлар манфаатларидаги муносабатларни ҳам акс эттиради. Мазкур коэффициент қуйидаги формула асосида ҳисобланади:

Кхм =

(П1 + УМАқк2) - А1 А2

Бу ерда:
А1 – узоқ муддатли активлар (асосий воситалар, капитал қўйилмалар, номоддий активлар ва ҳоказо).
УМАқк2 – узоқ муддатли активларни сотиб олиш учун йўналтирилган узоқ муддатли қарз ва кредитлар. (№ 1 шакл “Бухгалтерия баланси”нинг 570 ва 580 сатрлари).
Ушбу коэффициентнинг минимал қиймати - 0,2.
Агарда ҳисобот даври охирида ўз айланма маблағлар билан таъминланганлик коэффициенти 0,2 дан кам бўлса корхона ўз айланма маблағлар билан таъминланмаган деб ҳисобланади.


3. Корхона молия-хўжалик фаолияти рентабеллиги коэффициенти (Кихр)

Кихр =

_Фстқ_ Х

Бу ерда:

Фстқ — солиқ тўлангунга қадар фойда — 5 графа, 240 сатр, ёки зарар — 6 графа минус белгиси билан, 240 сатр (№ 2 шакл “Молиявий натижалар тўғрисида ҳисобот”).
Х — жами харажатлар, № 2 шакл “Молиявий натижалар тўғрисида ҳисобот” бўйича (6 “графа” 020 + 6 “графа” 040 + 6 “графа” 170 + 6 “графа” 230) сатрлар суммаси..
4. Активлар рентабеллиги коэффициенти (Кра)
Активлар рентабеллиги коэффициенти хўжалик йили якуни бўйича қуйидаги формула асосида ҳисобланади:

Кра =

_____Фстқ____ ЖАйқ

Бу ерда:
ЖАйқ − баланснинг активи ёки пассиви бўйича ўртача миқдор (ўртача арифметик ёки ўртача хронологик формула бўйича аниқланади).
Агарда рентабеллик коэффициенти ҳисобот даври учун:

• 
  нолдан паст (минус ишорасида) бўлса, корхона − зарарли ҳисобланади;
  
• 
  0,05 дан паст бўлса, корхона − паст рентабелли ҳисобланади (монополист корхоналардан ташқари).