Иқтисодиёт (тармоқлар ва соҳалар бўйича) таълим йўналиши талабалари учун “Корхона иқтисодиёти” фанидан

Назорат ва муҳокама учун саволлар

1. Янги корхоналарни ташкил қилиш асосида нима ётади?

2. Қайси омиллар янги корхона ташкил қилиш заруриятини асослаб беради?
3. Янги корхоналарни ташкил қилишдан мақсад нима?
4. Корхона ташкил қилишнинг асосий тамойилларини санаб ўтинг.
5. Корхона қачондан бошлаб ташкил қилинган деб ҳисобланиши мумкин?
6. Корхона Устави нимани англатади?
7. Таъсис шартномаси нимани англатади?

4-мавзу: Корхона фаолиятини тўхтатиш сабаблари ва уни амалга ошириш тартиби

Режа:
4.1 Корхона фаолиятини тўхтатиш сабаблари ва шакллари

4.2. Корхонанинг ўз ихтиёрига кўра тугатилиши
4.3. Молия-хўжалик фаолиятини амалга оширмаётган корхонани тугатиш тартиби
4.4.Банкротлик аломатлари бўлган корхоналарни тугатиш тартиби


4.1. Корхона фаолиятини тўхтатиш сабаблари

Корхона фаолиятини тўхтатиш − уни тугатиш ёки қайта ташкил қилиш шаклида амалга оширилиши мумкин. ”Юридик шахсни тугатиш унинг ҳуқуқ ва бурчлари ҳуқуқий ворислик тартибида бошқа шахсга ўтмасдан бекор қилинишига олиб келади”¹⁴.

“Юридик шахсни қайта ташкил этиш (қўшиб юбориш, қўшиб олиш, бўлиш, ажратиб чиқариш, ўзгартириш) унинг муассислари (иштирокчилари) ёки таъсис ҳужжатларида шунга вакил қилинган юридик шахс органи қарорига мувофиқ амалга оширилиши мумкин”¹⁵.
Корхонани қайта ташкил қилиш таъсисчи (таъсисчилар) қарорига мувофиқ амалга оширилади.
Корхонани ихтиёрий тугатиш Ўзбекистон Республикаси Президентининг 2007 йил 27 апрелда қабул қилинган «Тадбиркорлик субъектларини ихтиёрий тугатиш ва уларнинг фаолиятини тўхтатиш тартибини такомиллаштириш тўғрисида»ги Қарори ва унга илова тарзида берилган “Тадбиркорлик субъектларини ихтиёрий тугатиш ва уларнинг фаолиятини тўхтатиш тартиби тўғрисида Низом” асосида амалга оширилади.
Ихтиёрий тугатиш, шунингдек, корхона фаолиятини ихтиёрий тўхтатиш ва фаолиятини тиклаш тартиботи белгиланган муддатларда тугалланмаган тақдирда юқорида келтирилган солиқ имтиёзлари қўлланилмайди.
Тугатиш комиссияси фаолияти давомида корхонани бошқаришга оид барча масалалар овоз бериш йўли билан ҳал этилади ва комиссия аъзоларининг оддий кўпчилик овози билан қабул қилинади.
Тугатиш комиссияси мажлисларини ўтказишни, унинг раиси ташкил қилади. У ихтиёрий тугатиш қоидаларида белгиланган функцияларнинг тугатиш комиссияси қарорларига мувофиқ бажарилишини таъминлайди.