История культуры и вопросы историографии центральной азии

 
 
 
ҲАЁТДА ҲАМ, ИЛМДА ҲАМ РУСТАМИ ДОСТОН БЎЛГАН ЎЗБЕКНИНГ БУЮК 
АРХЕОЛОГ ОЛИМИ 
 
Ражабов Қ., – т.ф.д., профессор, 
Ўзбекистон ФА Тарих институти
 
Ўзбекистонда хизмат кўрсатган фан арбоби, Беруний номидаги Ўзбекистон Давлат мукофоти 
лауреати, тарих фанлари доктори, профессор Рустам Ҳамидович Сулаймонов шу кунларда табаррук 80 
ёшни қаршилади. 
Рустам Сулаймонов 1939 йил 30 майда Тошкент шаҳрида зиёли оиласида туғилди. Унинг ота-
онаси Ҳамид Сулаймонович Сулаймонов (1910 – 1979) ва Фозила Сулаймонова машҳур адабиётшунос 
олимлар бўлишган. Ана шундай маърифий оилада вояга етган Р.Сулаймонов ёшлигидан илм-фанга ошно 
тутиниб, тарих ва археология фанларини пухта ўрганди. 
Р.Ҳ. Сулаймонов 1962 йили Тошкент давлат университети (ҳозирги Мирзо Улуғбек номидаги 
Ўзбекистон миллий университети) тарих факультетининг археология бўлимини тамомлаган. У ХХ аср 
60-йилларидан бошлаб қарийб 60 йил давомида ўзбек археология мактабининг анъаналарини давом 
эттириб, Тошкент воҳаси ва Зарафшон водийси ҳамда Ўзбекистон жанубида қатор археологик 
ёдгорликларни тадқиқ этишда фаол қатнашди. Хусусан, унинг Ерқўрғон ва Нахшаб (ҳозирги Қарши)да 
олиб борган археологик қазишмалари Ўзбекистон тарихи фанини ривожлантиришда муҳим роль ўйнади. 
2006 йил 27 октябрда ўтказилган Қарши шаҳрининг 2700 йиллик юбилейини тайёрлашда олим фаол 
қатнашиб, қадимги Қарши шаҳрининг ёшини археологик манбалар асосида асослаб берди.
Рустам Сулаймонов Ўзбекистон ФА Археология институтида 1967 йилда «Статическое 
изучение культуры грота Оби-Рахмат» мавзусида номзодлик, 1997 йили «Древняя культура Южного 
Согда» мавзусида докторлик диссертацияларини ҳимоя қилди. Унинг ҳозиргача 15та монографияси ва 
170 дан зиёд илмий мақолалари чоп этилган. 
Таниқли тарихчи ва археолог олим Рустам Сулаймоновнинг «Статическое изучение культуры 
грота Оби-Рахмат» (1972), «Культура древнекаменного века долины Зарафшона» (ҳаммуаллифликда; 
1980), «Еркурган: стратиграфия и периодизация» (ҳаммуаллифликда; 1984), «Древний Нахшаб 

---

247