Istiqlol avlodi

Mashg‘ulotning borishi
: Tasavvur qiling, siz faqat bir oygina yashashingiz 
mumkin. Sizni pulga hech qanday muhtojligingiz yo‘q va o‘zingizni sog‘lom his 
etayapsiz.

---

87 
Siz so‘nggi oyingizni qanday o‘tkazasiz? Nima qilasiz? Qayerga borasiz? Sizni 
yoningizda kim bo‘ladi? Oxirgi kuningizni qanday o‘tkazasiz? Sizni eslab qanday 
so‘zlar aytishadi? Keyin nima bo‘ladi? 
Endi esa – zo‘r yangilik! Taqdir sizga yana uzoq umr in’om etdi o‘n, yigirma, qiriq, 
yetmish! Bu yillarni qanday o‘tkazasiz?
Relaksatsion mashq 
Ko‘zingizni yuming, diqqatingizni nafas olishingizga qarating, tasavvur qiling, 
mushtingizda xafagarchilik qattiq siqilgan. Qo‘llaringizni zo‘riqtiring. Barmoqlaringiz 
va qo‘lingizda bosimni his qiling. Endi esa mushtingizni oching, muskullaringizini 
bo‘shashtiring xafagarchiliklarni qo‘yib yuboring, ular to‘kilsin va maydalanib ketsin. 
II Bosqich. Tarjimai holni qayta yozish 
Ushbu bosqichdagi mashg‘ulotlar inqirozli vaziyatdagi shaxslarga “o‘tmish bilan 
kelishishga” yordam beradi. Chunki ulardagi “o‘tmishga qaratilgan” nigoh hozirdagi 
xursandchiliklarni, yuksalishni to‘sadi.
Mashqlarning maqsadi ishtirokchilarda o‘tmishdagi baxtsizliklar uchun 
javobgarlikni o‘zi va hayotiy vaziyatlar o‘rtasida to‘g‘ri taqsimlash hamda hozirgi kuni 
va kelajagi uchun ma’suliyatni o‘z zimmasiga olish, o‘tmishdagi xatolardan to‘g‘ri 
xulosalar chiqarish va baxtli hayot qurishda undan foydalanish ko‘nikmasini 
rivojlantirishdan iborat.
“Tarjimai holni qayta yozish” mashqi 
Mashg‘ulotning borishi:
Hozir bizning vazifamiz shundan iboratki, o‘z tarjimai 
holimizni faqat ijobiy taraflarini tavsiflaymiz. Ya’ni, sizga xursandchilik, turli yoqimli 
hislar keltirgan voqealarni yoki vaziyatlar haqida yozasiz. Ushbu his – tuyg‘ularni 
imkon boricha kengroq va chuqurroq ifodalang. 
Ishtirokchilar o‘zlarining ijobiy tarjimai hollarini navbat bilan o‘qib beradilar.