Istiqbolli rejasi

Termiz davlat universiteti Pedagogika instituti «Umumiy matematika» kafedrasining

2022-2024 yillarga mo‘ljallangan

ISTIQBOLLI REJASI

O‘zbekiston Respublikasi Prezidentining 2020-yil 7-maydagi PQ-4708-sonli “Matematika sohasidagi ta’lim sifatini oshirish va ilmiy-tadqiqotlarni rivojlantirish chora-tadbirlari to‘g‘risida” qarorida “Ta’limning barcha bosqichlarida matematika fanini o‘qitish tizimini yanada takomillashtirish, pedagoglarning samarali mehnatini qo‘llab-quvvatlash, ilmiy-tadqiqot ishlarining ko‘lamini kengaytirish va amaliy ahamiyatini oshirish, xalqaro hamjamiyat bilan aloqalarni mustahkamlash, shuningdek, 2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Ilm, ma’rifat va raqamli iqtisodiyotni rivojlantirish yili”da amalga oshirishga oid davlat dasturida belgilangan vazifalar ijrosini ta’minlash maqsadida” qabul qilingan qaroriga asosan Innovatsion rivojlanish vazirligi, Oliy va o‘rta maxsus ta’lim vazirligi, Fanlar akademiyasi, tegishli ilmiy va oliy ta’lim muassasalariga yuklatilgan. Shuningdek, “O‘rta maxsus, professional ta’lim muassasalarida, faoliyat yuritayotgan va yangi tashkil etiladigan matematika fanlariga ixtisoslashtirilgan davlat umumta’lim muassasalariga o‘quv-uslubiy yordam ko‘rsatilishini va ularda matematika fanlarini samarali o‘qitishni muvofiqlashtirish” masalalari ilgari surilgan.

«Umumiy matematika» kafedrasining 2022-2024-o`quv yillariga mo`ljallangan ushbu istiqbolli ish rejasi o‘quv jarayonini takomillashtirish to‘g‘risidagi Prezidentimizning “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida”gi Farmoni va «Ta’lim to‘g‘risidagi qonun»ning bajarilishiga qaratilgan.

Shu bilan birga, O‘zbekiston Respublikasi Vazirlar Mahkamasining 2018-yil 20-oktabrdagi 841-son “2030-yilgacha bo‘lgan davrda barqaror rivojlanish sohasidagi milliy maqsad va vazifalarni amalga oshirish chora-tadbirlari to‘g‘risida” qaroriga asosan 2030-yilgacha barcha o‘quvchilar va talabalarning barqaror rivojlanishiga ko‘maklashish uchun zarur bo‘lgan bilim va ko‘nikmalarni egallashlarini ta’minlashni o`z ichiga oladi.