Istiqbollarini belgilash ilmiy-tadqiqot institutining

O‘zbekiston:
Butun  dunyoga  tarqalgan  COVID-19  pandemiyasi  ta’lim  sohasi  oldiga 
ham  yangi  muammolarni  vujudga  keltirdi  va  Respublikada  ham  koronavirus 
infeksiyasi  aniqlanganidan  so‘ng,  koronovirus  kirib  kelishining  oldini  olish 
maqsadida  O‘zbekiston  Respublikasi  Prezidenti  farmoni  bilan  2020-yil 
29-yanvarda tuzilgan Respublika maxsus komissiyasining qaroriga asosan 2020-
yil 16-martdan boshlab an’anaviy ta’lim jarayonlari vaqtinchalik to‘xtatildi. Ta’lim 
tizimida masofaviy texnologiyalarning joriy qilinishi natijasida 10 mingdan ziyod 
ta’lim muassasalarida 7 million o‘quvchi (2019/2020-o‘quv yili, ya’ni o‘quv yilining 
3-choragi  19-martda  tugatilib,  boshlang‘ich  1-4-sinflar,  yuqori  5-11-sinflarda 
4-chorak, ya’ni 29-martdan to 25-maygacha) to‘liq onlayn tizimga o‘tkazildi.
Unda  ta’lim  dasturlariga  hech  qanday  o‘zgartirishlar  yoki  qisqartirishlar 
kiritilmagan  holda  ta’lim  davom  ettirildi.  Bu  davr  davomida  onlayn  tizimga 
o‘tishda  imkoniyat  mavjud  bo‘lmagan  jismoniy  tarbiya  (5-11-sinflarda)  va 
texnologiya darslari (6-11-sinflarda) to‘xtatildi. 
 2020-yil avgust oyida 2020-2021-o‘quv yili uchun maktablarni qayta ochish 
bo‘yicha  Xalq  ta’limi  vazirligi  tomonidan  alohida  so‘rovnoma  o‘tkazilib,  ota-
onalarning  fikri  o‘rganildi.  Bu  tadbirda  5  million  500  ming  nafar  ota-onalar 
ishtirok  etib,  ularning  76%  ta’lim  jarayonini  maktabga,  ya’ni  sanitariya-gigiena 
qoidalariga  rioya  qilgan  holda  an’anaviy  shaklda  olib  borish  tarafdori  bo‘lishdi, 
24% esa masofaviy shaklda – teledarslar orqali davom ettirishni ma’qul topishdi. 
Shu asosda Respublika rahbariyati, maktablarda ta’lim jarayonini bir vaqtning 
o‘zida ikki xil shaklda tashkil etishga qaror qilindi. Ya’ni, aksariyat ota-onalar talabiga 
ko‘ra an’anaviy va shu bilan birga masofaviy shaklda yo‘lga qo‘yildi. Videodarslarni 
sifatli  tayyorlash,  bu  jarayonga  davlat  va  nodavlat  telekanallarini  faol  jalb  etish, 
 
4 ta telekanalda doimiy efirga uzatib borish zarurligi qayd etilib nazoratga olindi.
Televizion darslarni tasvirga olishda imkoniyati cheklangan bolalarni o‘qitish 
ham  inobatga  olinib,  dars  mashg‘ulotlari  kar  va  zaif  eshituvchi  o‘quvchilarga 
surdopedagog  hamda  surdotarjimonlar,  ko‘zi  ojiz  bolalarga  esa  televizion  dars 
mashg‘ulotlarini ovozli eshitib, tushunib olishlariga imkon yaratildi.

---