Iste’molchilar huquqlarini himoya qilish fanidan testlar

O’zbekiston Respublikasi “Iste’molchilar huquqlarini himoya qilish to’g’risida”gi Qonunida xizmat muddatiga qanday ta’rif berilgan?

xizmat muddati - tovardan foydalanishning belgilangan muddati bo’lib, u tamom bo’lgach, tovarning texnik holatidan qat’i nazar, undan foydalanish to’xtalishi lozim.

. O’zbekiston Respublikasi “Iste’molchilar huquqlarini himoya qilish to’g’risida”gi Qonunida yaroqlilik (saqlash) muddatiga qanday ta’rif berilgan?

yaroqlilik (saqlash) muddati - muayyan davr bo’lib, bu davrda tovar foydalanishga yaroqli bo’ladi va u tamom bo’lgach, tovar odamlar hayoti hamda sog’lig’i uchun xavf tug’dirishi mumkin.

O’zbekiston Respublikasi “Iste’molchilar huquqlarini himoya qilish to’g’risida”gi Qonunida kassa chekiga qanday ta’rif berilgan?

kassa cheki - tovarning sotib olinganligini yoki ish (xizmat)ning haqi to’langanligini tasdiqlaydigan, tovar (ish, xizmat)ning bahosi, haq to’langan sana va kassa apparatining nomeri ko’rsatilgan hujjat

. O’zbekiston Respublikasi “Iste’molchilar huquqlarini himoya qilish to’g’risida”gi Qonunida tovar chekiga qanday ta’rif berilgan?

tovar cheki - tovarning sotib olinganligini yoki ish (xizmat)ning haqi to’langanligini tasdiqlovchi, tovar (ish, xizmat)ning bahosi, haq to’langan sana hamda sotuvchining nomi va joylashgan manzili haqidagi ma’lumot ko’rsatilgan hujjat.