Issn 2181-9580 toshkent davlat pedagogika universiteti ilmiy axborotlari ilmiy-nazariy jurnali

TOSHKENT DAVLAT PEDAGOGIKA UNIVERSITETI ILMIY AXBOROTLARI 
 
2020/2
 
transformatsiyasi: Buyuk Britaniya tajribasi” mavzusida seminar tashkil etildi. Seminarda 
Buyuk Britaniya elchisi Timoti Torlot va raqamli iqtisodiyot bо‘yicha mutaxassislar V.Pak va 
K.Muhamadxanovalarlar ishtirok etib, ushbu yо‘nalishda amalga oshirilgan oxirgi 
tadqiqotlar va yutuqlar bilan о‘rtoqlashdilar. Hozirgi davrda jahonning kо‘plab davlatlari, 
jumladan, Janubiy Koreya, Yaponiya, Fransiya, AQSH kabi rivojlangan davlatlarda ham 
raqamli iqtisodiyot hamda sun’iy intellekt borasida katta muvaffaqiyatlarga erishilmoqda.
О‘zbekiston ham aynan shu yо‘nalishni rivojlantirishga katta e’tibor qaratib, davlat siyosati 
darajasiga kо‘tardi. О‘zbekiston Respublikasida 2020-yil “Ilm-ma’rifat va raqamli iqtisodiyot
yili” deb e’lon qilingani ham buning dalilidir. О‘zbekistondan Buyuk Britaniyaga paxta tolasi, 
qimmatbaho toshlar, qora metallar, volfram va ulardan yasalgan buyumlar eksport qilinsa, 
Buyuk Britaniyadan mexanik va elektr asbob-uskunalar, qand-shakar va qandolat 
mahsulotlari, plastmassa va undan yasalgan buyumlar mineral yoqilg‘i, farmatsevtika 
mahsulotlari, shu jumladan, dori-darmon, qog‘oz va karton, mebel, optik priborlar va 
apparatlar, tamaki, sut mahsulotlari, kimyoviy birikmalar, noorganik kimyo mahsulotlari 
import qilinadi
1
. Hozirgi paytda Buyuk Britaniyaning dunyoga mashhur bir qancha firmalari 
va banklari respublikada faoliyat kо‘rsatmoqda. Toshkentdagi “Ren Kseroks”, “Lonro”, 
“Devenport treyding and invest menje LTD”, “Meredim Jons” va “Kvik stop shoping” kabi 
firmalar shular jumlasidandir. Toshkentdagi “Lonro Motors” qо‘shma korxonasi 
avtomobillarga texnik xizmat kо‘rsatish bilan shug‘ullanmoqda, “Meridim Jons” esa 
О‘zbekistonda paxta tolasini tayyorlashdan tortib, undan tayyor mahsulot tayyorlash 
loyihalarini taklif etgan. “Barklayz Bank”, “Net vest bank”lari mamlakatda neftni qayta 
ishlash va yengil sanoatni mablag‘ bilan ta’minlash yuzasidan ish olib bormoqda. 
О‘zbekiston tabiiy qazilmalarga boy hududlardan biri hisoblanadi. Bugungi kunda respublika 
rahbariyati ushbu boyliklardan xalq farovonligini oshirish, iqtisodiyotni rivojlantirish yо‘lida 
foydalanishni maqsad qilib qо‘ygan. 1994-yil oktabr oyining о‘rtalarida Londondagi 
qimmatbaho toshlar bozori uyushmasi Navoiy shahridagi oltinni qayta ishlash zavodi 
mahsulotlariga yuqori baho berganini e’lon qildi. 1994-yil iyunida Buyuk Britaniyaning 
tamaki mahsulotlari ishlab chiqarish bо‘yicha dunyoda yetakchi о‘rinni egallab turgan “BAT 
indastriz” korporatsiyasi О‘zbekistonda tamaki ishlab chiqaradigan qо‘shma korxona 
ochishga kelishib, qisqa muddatda u foydalanishga topshirildi. “О‘zbekiston havo yо‘llari” 
milliy aviakompaniyasi uchuvchilari boshqarayotgan “A–310 yevroaerobusi” Toshkentdan 
Londonga muntazam qatnay boshlagach, nafaqat ikki davlat о‘rtasidagi aloqalarga, balki 
Osiyo–Yevropa hamkorligining rivojiga ham munosib hissa qо‘shmoqda. 1994-yil noyabrida 
Buyuk Britaniyaning Manchester shahri bilan Toshkent о‘rtasida samolyot qatnovi yо‘lga 
qо‘yildi. Buyuk Britaniyaning “Bat indastriz ils” korporatsiyasi 1995-yil 15- dekabrda 
Samarqandda yangi tamaki fabrikasini qurish va Toshkentdagi tamaki ishlab chiqaruvchi 
korxonani modernizatsiyalash bо‘yicha bir qancha ishlarni amalga oshirdi
2
. Ta’lim sohasidagi 
aloqalarda Buyuk Britaniya Kengashi unumli ishlar qilmoqda. Buyuk Britaniya hukumati 
qoshida faoliyat kо‘rsatayogan mazkur tashkilot jahonning 90ta mamlakatida о‘z 
vakolatxonasiga ega.
1
Давлатлар ва халқаро ташкилотлар. (Маъсул муҳаррир ф.ф.д. Қ.Н. Назаров). Тошкент, “Академия”, 
2005. – Б. 164. 
2
Президент ҳузурида қабул // Халқ сўзи. – 1995. – 15 декабрь. 
225

---