|
ILMIY AXBOROTNOMA
TARIX
2017-yil, 4-son
29
1989-yilda 12 tani tashkil etgan boʻlsa, ularning soni mustaqillikdan keyin ya’ni 1995-yilda 80 taga
yetdi, 2008-yilga kelib esa 140 dan oshdi[2]. Mamlakatimizda 16 ta konfessiyaga mansub diniy
tashkilotlar erkin faoliyat yuritmoqda. Davlat ta’lim muassasalarida oʻqitish yetti tilda olib
borilmoqda. Oʻzbekiston milliy teleradiokompaniyasi oʻz koʻrsatuvlarini 12 tilda namoyish etadi.
“Oʻzbekiston — umumiy uyimiz” shiori ostida doʻstlik va madaniyat festivali 2017-yida oltinchi bor
oʻtkazildi. 2017-yil 24-yanvarda Respublika Baynalmilal madaniyat markazining 25 yilligi
munosabati bilan milliy madaniyat markazlarining bir guruh faollarini mukofotlash toʻgʻrisidagi
Oʻzbekiston Respublikasi Prezidentining Farmoni chiqarildi.
Konstitutsiyamizning 2-boʻlim, 9-bob, 42-moddasiga koʻra: “Har kimga ilmiy va texnikaviy
ijod erkinligi, madaniyat yutuqlaridan foydalanish huquqi kafolatlanadi. Davlat jamiyatning madaniy,
ilmiy va texnikaviy rivojlanishiga gʻamxoʻrlik qiladi”. [3] Ushbu moddada mamlakatimizda
fuqarolarning erkin ijod qilish, madaniyat yutuqlaridan unumli foydalanish ijtimoiy huquqi,
madaniyat, ilm-fan soha rivojlantirilishi davlat tomonidan kafolatlanishi koʻzda tutilgan.
Konstitutsiyamizning 2-boʻlim, 11-bob, 49-moddasi: “Fuqarolar Oʻzbekiston xalqining tarixiy,
ma’naviy va madaniy merosini avaylab asrashga majburdirlar. Madaniyat yodgorliklari davlat
muhofazasidadir” [4]. Demak ushbu moddaning mazmuni madaniyat va san’at, umuman milliy
qadriyatimizni qayta tiklash, rivojlantirish bilan birgalikda ularni asrab-avaylash ham davlat va
fuqarolarning eng muhim vazifasi ekanligini bildiradi.
Birinchi Prezidentimiz Islom Abdugʻaniyevich Karimov san’atni rivojlantirish masalasiga
qaratilgan koʻplab Farmonlar chiqarib, sohaning huquqiy asoslarini mustahkamladi. Birinchi
Prezidentimizning 1996 yil 31 dekabrda PF-1692-sonli “Respublikada musiqiy ta’limni, madaniyat va
san’at oʻquv yurtlari faoliyatini yaxshilash toʻgʻrisida”gi Farmoni yosh avlodni oʻzbek madaniyati va
san'ati an'analari, ilgʻor jahon andozalari asosida bilim olishini ta'minlash hamda ushbu soha
oʻqituvchi, ilmiy-ijodiy xodimlari mehnatini ragʻbatlantirish, shuningdek, respublika madaniyat va
san'at bilim yurtlarining moddiy-texnik bazasini mustahkamlash maqsadida chiqarilgan edi
[5].
Mazkur huquqiy hujjat asosida musiqiy ta’lim, madaniyat va san’at oʻquv yurtlari faoliyati tartibga
solindi, samaradorligi oshirildi va bu oʻz navbatida mamlakatimizda madaniyat va san’atning
rivojlanishiga xizmat qildi.
Milliy raqs va xoreografiya san'atini yanada rivojlantirish, oʻzbek raqs san'atining tarixiy
an'analarini va usullarini tiklash, avaylab-asrash hamda boyitish, millatimizning oʻziga xos sharqona
fazilatlari, boy ma'naviyatiga monand raqslarni targʻib etish uchun qulay shart-sharoitlar yaratish,
milliy raqs yoʻnalishlari boʻyicha uzoq muddatli, maqsadli dasturlar tayyorlash, raqs san'atini
xalqimizning yuksak ma'naviyati va nozik didiga zid boʻlgan yuzaki, nooʻrin tanqidga asoslangan
xatti-harakat va liboslar xurujidan saqlash, maxsus ta'lim tizimini takomillashtirish, malakali kadrlarga
boʻlgan ehtiyojni toʻlaroq qondirish hamda bu soha tashkilotlarining moddiy negizini mustahkamlash
maqsadida Oʻzbekiston Resbuplikasi Prezidentining 1997 yil 8-yanvarda PF № 1695
sonli“Oʻzbekistonda milliy raqs va xoreografiya san’atini rivojlantirish toʻgʻrisida” Farmoni e’lon
qilindi[6]. Mazkur farmon tufayli milliy raqs birlashmasi («Oʻzbekraqs») tashkil etildi, bugungi
kunga kelib san’at sohasiga iztisoslashgan ta’lim muassalarida milliy raqs va xoreografiya san’ati
alohida oʻrniga ega boʻldi va bu san’at sohasi yildan yilga rivojlanib kelyapti. Prezidentimiz qoʻllab-
quvvatlashlari natijasida Milliy raqs san’atimiz xalqaro sahnalarga chiqarildi va butun jahon e’tiboriga
tushdi.
Birinchi Prezidentimizning 1995-yil 20-oktabrda qabul qilingan “Oʻzbekistonda teatr va musiqa
san’atini yanada rivojlantirishni qoʻllab-quvvatlash va ragʻbatlantirish chora-tadbirlari toʻgʻrisida”gi
hamda 1998-yil 26-martda imzolangan “Oʻzbekiston teatr san’atini rivojlantirish toʻgʻrisida”gi
farmonlari yurtimiz madaniy hayoti, teatr san’ati tarixida katta voqea boʻldi. Oʻzbekiston
Respublikasi Prezidentining PF № 1980-sonli “Oʻzbekiston teatr san’atini rivojlantirish toʻgʻrisida”
Farmoni Oʻzbekistonda asrlar osha yashab kelayotgan tomosha-san'ati an'analarini oʻrganish, boyitish
va targʻib qilish, teatr san'atini har tomonlama rivojlantirish, moddiy-texnik negizini yanada
mustahkamlash, mamlakatimizda amalga oshirilayotgan ma'naviy-ma'rifiy islohotlarda teatr
arboblarining faol ishtirokini ta'minlash, milliy va umumbashariy qadriyatlarni tarannum etuvchi
badiiy barkamol sahna asarlari yaratish, maxsus ta'lim tizimini zamon talablariga mos holda
takomillashtirish, yuqori malakali kadrlarga boʻlgan ehtiyojni toʻlaroq qondirish maqsadida qabul
qilingan edi[7]. Ushbu farmon mamlakatimiz teatr san’atini va san’at faoliyatini rivojlantirishda eng
Do'stlaringiz bilan baham: |
