Issiqlik elektr stantsiyasining qurilmalari

Ortiqcha havo koeffitsienti. Havoning nazariy jihatdan zaruriy miqdorini hisoblashda, havo yoqilg’i bilan ideal aralashtiriladi va kislorodning har qaysi zarrachasi yonuvchi element bilan birikishga ulguradi, deb faraz qilinadi. Lekin amalda havoning hisobiy miqdori yoqilg’ining to’liq yonishi uchun etarli bo’lmaydi. YOnish jarayonida kislorodning hammasini yoqilg’i bilan reaktsiyaga kirishadigan qilib o’tkazib bo’lmaydi. Uning bir qismi yonish reaktsiyasiga kirishmaydi va tutun-gazlar bilan birga erkin holda chiqib ketadi.

=V/V_n.

Koeffitsient  ning kattaligi yoqilg’ining turiga, jarayon sodir bo’ladigan sharoitlarga, yoqish usuliga, o’tхonaning konstruktsiyasiga va hakozolarga bog’liq. Hisoblashlarda  ning qiymati tegishli tajriba ma’lumotlari asosida tanlanadi.

Ortiqcha havo koeffitsienti qanchalik kichik bo’lsa, yonish jarayoni shunchalik tejamli bo’ladi. Lekin ortiqcha havo koeffitsienti juda ham kichik bo’lsa, yoqilg’i chala yonadi va qozon qurilmasining F I K i pasayadi.

YOqilg’i qanchalik mayda va bir jinsli bo’lsa va u havo bilan qanchalik yaхshi aralashgan bo’lsa, ortiqcha havo shunchalik kam talab qilinadi. Suyuq yoqilg’ining barcha turlari o’tхonaga to’zitilgan va havo bilan yaхshi aralashgan holda beriladi. Qattiq yoqilg’i ko’pincha kukun (chang) ga aylantiriladi va o’tхonaga havo bilan yaхshi aralashtirilib puflanadi.

Ba’zi yoqilg’i turlari uchun nazariy hisoblangan yonish haroratining ortiqcha havo koeffitsienti  ga bog’liq holdagi qiymatlari 5.1-jadvalda keltirilgan.

	Tyo
YOqilg’i	=1	=1, 3	=1, 5	=2
Antratsit	2270	1845	1665	1300
Qo’ng’ir ko’mir	1870	1590	1425	1150
Torf	1700	1510	1370	1110
O’tin	1855	1575	1435	1165
Mazut	2125	1740	1580	1265
Tabiiy gaz	2000	1749	1478	1167