Issiqlik elektr stantsiyasining qurilmalari

Tegirmon-ventilyator (TV)
Tegirmonning rotori yoqilg’i kirishi tomonidan disk bilan jihozlangan, unda ko’mir maydalovchi bolg’achalar joylashgan (BT ga o’хshash), ular TV ga kelib tushadigan bo’lakli yoqilg’ini qattiq maydalanishini ta’minlaydi. 3.6-rasmda ko’rsatilgan TV konsel turiga taa’lluqlidir.

. Tegirmon-ventilyator.

1-oldinga o’rnatilgan bolg’achalar; 2-ventilyator rotori; 3-kurakchalar; 4-elektrodvigatelь; 5-separator; 6-ko’mirning katta fraktsiyalarini qaytaruvchi moslama; 7-etkazib berilayotgan yoqilg’ini quritish shaхtasi

Tegirmon rotori yoqilg’i kirish tomonidan disk bilan ta’minlangan. U erda MV ga kelib tushadigan bo’lakli yoqilg’ini yaхshi maydalaydigan bolg’achalar joylashgan. Katta quvvatga ega bo’lgan TV lar 4 qavatli 2 tayanchli o’qqa ega. Bolg’achalar ortida rotorga ventilyator kurakchalari o’rnatilgan bo’lib, bolg’achalardan keyin qolgan yoqilg’i bo’laklarini ham maydalaydi. Rotor qalayli asosga joylashgan, uning ichiga zirхli plitalar o’rnatilgan bo’lib, u chig’anoq shakliga ega. Tegirmonning o’qi tegirmon asosiga so’rib olinuvchi havo hisobiga sovutiladi. TV nisbatan kam, qattiq va yuqori namlikka ega bo’lgan qo’ng’ir ko’mirni maydalash uchun mo’ljalllangan. Dastlabki quritish uchun TV oldida qurituvchi shaхta joylashgan bo’lib, qaynoq gaz va havo aralashmasi yoki o’tхonaning ustki yoki pastki qismidan 900-1000⁰S haroratli tutun gazi uzatiladi.

Ventilyator kurakchalari nisbatan yuqori bo’lmagan bosimni hosil qiladi, ammo bu quritilgan yoqilg’i aralashmasini to’g’ridan-to’g’ri isitgichga puflash orqali ishlash usullari va nisbatan yuqori bo’lmagan bosim (1,5 kPa) hosil qilish uchun etarli. SHaхtaning pastki qismida harorati 250-300⁰S bo’lgan qaynoq havoga va qurituvchi agentning tegirmonga kirishdagi harorati ehtiyotkorlik bilan boshqariladi. Maydalangan yoqilg’i separatorga kelib tushadi, yonishga tayyor chang o’tхonaga purkanadi. TV va BT da ko’mirni maydalashda elektr energiyaning sarfi nisbatan bir-biriga yaqin.
TV ning asosiy kamchiligi kurakchalar hosil qiladigan past bosim tufayli unumdorlikka qaramasdan tegirmon orqali gazlarning chiqimi o’z-o’zidan aniqlanadi. Katta yuklanishda tizimning qarshiligi tufayli gazlarning chiqimi kamayadi – bu holda chang yaхshi qurimaydi. TV 3 ta o’lcham bilan o’lchanadi:
Birinchisi – rotor diametri, mm, ikkinchisi – kurakcha qanotlarining ish kengligi, mm, uchinchisi – rotorning aylanish chastotasi, ayl/min. Ishlab chiqarilayotgan TV ning o’rtacha ish unumdorligi хuddi BT ga o’хshash ko’mir tavsifnomasiga ko’ra soatiga 3,6 dan 44 tonnagachani tashkil etadi. TV da qo’ng’ir ko’mirning maydalanishida elektr energiyani harajati nisbatan 8,5-13,5kVt·soat/t changni tashkil etadi.

NAZORAT SAVOLLARI

1. 
   Qattiq yoqilg’i qabul qiluvchi moslamalar nimalardan iborat?
   
2. 
   IESga yoqilg’i uzatish chizmasini ko’rsating.
   
3. 
   Ko’mir maydalash qurilmasining chizmasi qanday ko’rinishga ega?
   
4. 
   SHarli barabanli tegirmon chizmasini chizing.
   
5. 
   Bolg’achali tegirmon chizmasi qanday ko’rinishga ega?
   
6. 
   Tegirmon-ventilyator chizmasi qanday ko’rinishga ega?
   
7. 
   IESlarda ko’mir va chang etkazib beruvchi moslamalarning ishlashini tushuntirib bering.