Issiqlik elektr stansiyasi va markazi (ies va iem) Reja: Issiqlik elektr stansiyasida elektr energiyani hosil qilish jarayoni

7.29-rasm. «Muborak IEM» AJ 7.30-rasm. «Olmaliq KMK» IEM


«Olmaliq KMK» IEM. "Olmaliq KMK" AJ tarkibiga kiruvchi elektr issiq-lik markazi, Toshkent viloyati Olmaliq shahrining sanoat hududi doirasida joylashgan. Elektr issiqlik markazi 1959 yilda ishga tushirilgan (7.30-rasm).
Elektr issiqlik markazining asosiy vazifalari quyidagilardan iborat:
- "Olmaliq KMK" AJ ishlab chiqarish sexlarini bug‘ va issiq suv ko‘rinishi-dagi issiqlik energiyasiga bo‘lgan ehtiyojlarini qoplash;
- tegishli tashkilotlarni issiqlik energiyasini sotish bo‘yicha taqdim etilgan jadvallariga muvofiq kombinat korxonalari va Olmaliq shahri aholisini isitish va issiq suv ta‘minoti bilan;
- kombinat korxonalari ehtiyojlarini qisman qoplash uchun elektr energiyasi ishlab chiqarish.
Elektr issiqlik markazi "O‘zbekenergo" AJ tizimi bilan parallel ishlaydi.
Ishlab chiqarish faoliyati ko‘rsatgichlari (2013 yil holatida):
Elektr energiyasi - 210,3 (mln. kVt·soat);
Issiqlik energiyasi - 872,2 (ming. Gkal).
O‘zbekiston Respublikasi Prezidentining 12.03.2009 yildagi "Ishlab chiqa-rishni 2009-2014 yillar mobaynida "Modernizatsiyalash, texnik va texnologik jihatdan qayta qurollantirish bo‘yicha muhim loyihalarni joriy etish choralari dasturi to‘g‘risida"gi PQ-1072-sonli qaroriga muvofiq, turar-joy-kommunal sektori va sanoat korxonalarini issiqlik va elektr energiyasi bilan ishonchli ta‘minlash maqsadida, E-75-39-440 GM rusumli 5 ta bug‘-qozon agregatini o‘rnatish bo‘yicha texnikaviy loyiha ishlab chiqildi. 2011 yilda E-75-39-440 GM rusumli beshinchi bug‘-qozon agregati ishga tushirildi. 2012 yilda rekonstruksiya ishlarini olib borish chog‘ida APT 12-1 rusumli turboagregatni uning analogi bo‘lgan PT-12/3,4/1,0/0,1 rusumli turboagregatga almashtirildi.