Issiqlik – massa almah

10-Bob bo’yicha rezyume
Ushbu bobda quyosh issiqxonalarning asosiy konstruktiv yechimlari va ilmiy tadqiqotlar holatilari, ularlarning – asosiy konstruktsiyalarini sharhi va tahlili bayon qilingan. Turli tipdagi quyosh issiqxonalarning asosiy ko’rsatkichlari solishtirilib, ularning issiqlik rejimlarini hisoblash usullari adabiyotlar asosidagi tahlili qarab chiqilgan. Quyosh nurlarining polietilen plyonka to’siqlar orqali issiqxonaga kirish koeffitsientini aniqlash usuli bayon qilingan. Yarim silindr shaklidagi quyosh issiqxonasi sirtiga tushayotgan to’g’ri quyosh radiatsiyasining o’rtacha integral burchagini hisoblash usuli keltirilgan. Dunyo tomonlari bo’ylab ekvator va meridianal yo’nalishda joylashtirilgan yarim silindr shaklidagi quyosh issiqxonalarning yon sirtiga tushayotgan to’g’ri quyosh nurlanishi tushishi burchagining o’rtacha integral qiymatini hisoblash ifodasi keltirib chiqarildi. Yarim silindr shaklidagi bir va ikki qavatli shaffof yorug’likni yaxshi o’tkazuvchi polietilen plyonka to’siqli quyosh issiqxonalarning issiqlik – texnikaviy ko’rsatgichlarini aniqlash usuli ko’rsatib o’tilgan. Quyosh nurlarining to’siq orqali gelioissiqxonaga kirish koeffitsientini hisoblashning o’rtacha integral usuli asosida bir va ikki qavatli ekvator yo’nalishida joylashtirilgan quyosh issiqxonasi uchun dekabr oyidagi qiymati mos ravishda 0,695 va 0,632 bo’lib, meridian yo’nalishida joylashtirilgan issiqxonalarga nisbatan 0,083 (ya’ni 13 %) va 0,087 (ya’ni 16 %) ga ko’p ekanligi aniqlandi. Quyosh issiqxonalarda yig’indi issiqlik isrof koeffitsientini hisoblash usuli keltirilgan.