Иссиқлик техникаси ва иссиқлик техник ускуналари фани

Ҳаво сўриб чиқариладиган кассетани буғ билан таъминлаш чизмаси 1 -бўлмаларга буғ етказиб берувчи қувур;2-беркитувчи вентил; 3-кассетага буғ етказиб берувчи қувур; 4-асосий буғ вентили; 5- кассетанинг иссиқ бўлмаси; 6-инжекторга буғ етказиб берувчи қувур; 7-рециркуляция қувури; 8-рециркуляция қувури вентили; 9-ҳаво чиқарувчи вентил; 10-инжектор;11-айланма қувур вентили; 12-айланма қувур;13-рециркуляция-сўриш тизими; 14-иситиш бўлмаларига буғни тақсимлаш тизими; 15-пуркагич

• Бетонни юқори ҳароратда қиздириш учун иситиш бўлмаларида ёқиладиган газдан, суюқ иситиш воситалари ва иситиш мосламаларидан чиқаётган газлардан фойдаланилади. Газ билан қиздирилганда иситиш бўлмасидаги ҳарорат баланд ушлаб турилиши керак. Буюм суюқ юқори ҳароратли иситувчилар билан қиздирилганда ҳарорат кескин ошишига эришилади. Қизитиш бўлмаларидан петролатум чиқариш коллекторига қуйилади ва сўнг бакка тўпланади. Петролатум қувурларда тўхтовсиз айланиб туради, ҳарорат 95-100°С га етганда иситувчи кассета ташқарисидаги қувурларда айлана бошлайди. Темир-бетон буюмлар ишлаб чиқаришда фойдаланиладиган кассета технолгиясининг қатор афзаллик ва камчиликлари бор. Буюм кассеталарда тайёрланганда йиғма деталларнинг аниқлиги юқори бўлишига эришилади, бетон юзаси текис бўлади. Бетонни контакт усулида қиздириш натижаси унинг мустаҳкамлиги очиқ қолипдагига қараганда 10-20% ошиқ бўлади.

Кассетадаги бетонни очиқ юзаси кам бўлгани учун ҳарорат тез кўтарилишига эришилади (60-70°С). Кассетадаги буюмни олдин ушлаб турмасдан қиздириш мумкин ва бетон ҳарорати кассетали мосламаларда 100°С га етадива бу кўрсаткич чуқур шаклдаги камераларда 85-90°С дан ошмайди. Бироқ кассетада тайёрланган бетоннинг мустаҳкамлиги турли баландликда турлича бўлади. Бу ҳолат иситиш тартиби қисқа бўлганда айниқса аниқ билинади. Мустаҳкамликнинг турлича бўлиши иситиш интенсивлиги турличалилиги билан изоҳланади. Буғ кирадиган жойга яқин зоналар тезроқ қизийди. Кассетали усулнинг яна бир камчилиги қолиплар учун металлнинг кўп ишлатилиши, кассеталарни тозалаш ва мойлашнинг ноқулайлиги, қўзғолувчанлиги юқори бўлган бетон қоришмасини ишлатиш зарурлиги киради. Кассеталардан фойдаланиш самарадорлигини ошириш учун қатор ҳолларда икки босқичли қизитиш усулидан фойдаланиш мақсадга мувофиқ бўлади. Биринчи босқичда буюм етарли даражада мустаҳкамликка эришгунга қадар касеталарда 5-7 соат қиздирилади ва унинг мустаҳкамлиги 5-7,5 МПа га етказилади.

• Иккинчи босқичда бетон чуқурли камера ёки иссиқ тутадиган стеллажларда жўнатиладиган даражада қотгунга қадар қотади. Қиздиришни тезлатиш ва иситиш бўлмаларида ҳароратни бир хилда тақсимлаш учун эжекторлардан ва буғни пуркагичлар орқали интенсив юбориш усулларидан фойдаланилади. Буюмни контакт усулида қиздириш мосламаларига горизонтал термоформалар ҳам киради. Вертикал термоформалардан фарқли равишда уларда буюм юзаси бир текис қизийди. Ғовакли тўлдирувчилар асосида тайёрланган енгил бетонли девор панеллари термоформаларда ҳароратни 2-3 соат давомида кўтариш, изотермик тутиб туриш 3-5 соат давомида90-95°С да бўлиши тавсия этилади. Қўзғолувчан горизонтал термоформаларда йирик панелли конструкцияларни қиздириш учун пакетлар тайёрланади. Термоформа пакетини тайёрлаш учун махсус пакетловчи мослама ишлатилади.