ИсҳОҚхон тўра ибрат танланган

КЎРГОНИ КЕЛДИМ СОҒИНИБ
Гулдек юзингни, дилбарим,
Кўргони келдим соғиниб.
Сен шоҳи олам, мен гадо,
Кўргони келдим соғиниб.
www.ziyouz.com kutubxonasi

---

Кел-кел мани ҳолим сўраб, 
Эй, ошиқи ҳолим хароб, 
Бўлди юрак-бағрим кабоб, 
Кўргони келдим соғиниб.
Ишқингда дилбар зор-зор, 
Йиғлаб юрибман, эй нигор, 
Кел эй, букун, кўзи хумор, 
Кўргони келдим соғиниб.
Сиздин бўлак йўқтур кишим, 
Ўзга билан йўқгур ишим, 
Мастона кўзли маҳвашим, 
Кўргони келдим соғиниб.
4
Тан ичра жоним сен эдинг, 
Хуш меҳрибоним сен эдинг, 
Ширин забоним сен эдинг, 
Кўргони келдим соғиниб.
Ман хаста дил ҳайрон бўлуб, 
Ишқингда саргардон бўлуб, 
Парвона янглиғ ўргулуб, 
Кўргони келдим соғиниб.
Дардинг билан дармондаман, 
л 
Топкин илож, бемораман, 
Васлинг билан афтодаман, 
Кўргони келдим соғиниб.
Эй дилбари нозик бадан,
Ҳам тишлари дурри Адан,
Ой юзлари боғи чаман, 
Кўргони келдим соғиниб.
Боғу баҳорим сан мани,
Кўзи хуморим сан мани, 
Ширин забоним сан мани, 
Кўргони келдим соғиниб.
4 - Исқоқхон тўра Ибрат
49
www.ziyouz.com kutubxonasi

---

Мандин яширма юзларинг, 
Ёдимға тушди сўзларинг, 
Куйдурди, ёрим, кўзларинг, 
Кўргони келдим соғиниб.
Кўйингда, дилбар, зор-зор, 
Шому сабо, лайлу наҳор, 
Йўқ эмди бизда ихтиёр, 
Кўргони келдим соғиниб.
Ибрат қулинг қилди дуо, 
Сандин ижобатдур яно, 
Дойим деюр ҳамду сано, 
Кўргони келдим соғиниб.
ҚАЛАИСИЗЛАР
Тириклик заҳматидин ушбу кунлардан қалайсизлар? 
Бу тириклик йили буғдою унлардан қалайсизлар?
Ҳамани қўймади ўз ҳолиға, ташвишлар солди, 
Мушавваш айлаган бу аҳпи дунлардан қалайсизлар?
Жаҳон ҳеч кимга гардиш этмади иқболина таври, 
Замона ҳоли мол, қофи унлардан қалайсизлар?
Босиб халқи жаҳонни, айлади торож ўғрилар, 
Саломат ётдингизму, бўйла тунлардан қалайсизлар?
Фасоду олам этти шу каби ҳар ерда инсонни,
Бу тарзда фитнаю торож бунлардан қалайсизлар?
Ки ҳар бир кишида минг хил аломату қиёматлар, 
Машаққат вақтини умри ўринлардан қалайсизлар?