Ismailova Zukhra Karabayevna, Maxsudov Po’lat Maxsudovich, Ergashev Oybek Karimovich

  
Texnologik  xarita.
 
O‘qituvchi  tomonidan  har  bir  darsni  yaxlit  holatga  ko‘ra 
bilish  va  uni  tasavvur  etish  uchun  o‘tiladigan  dars  jarayonini  loyixalashtirib  olish 
lozim. Shu sababli o‘qituvchi uchun yangi darsni texnologik xaritasini tuzib olishi 
katta  ahamyatga  ega.  Darsning  texnologik  xaritasi  fanning  har  bir  mavzusi 
bo‘yicha o‘qitilayotgan o‘quv fanining xususiyatidan, talabalarning imkoniyati va 
ehtiyojlaridan kelib chiqqan holda ishlab chiqiladi. 
Har  bir  darsning  samarali,  qiziqarli  bo‘lishligi  avvaldan  puxta  o‘ylab  tuzilgan 
darsning  loyihalashtirilgan  texnologik  xaritasiga  bog‘liq  bo‘ladi.  Texnologik 
xaritani  ishlab  chiqish  biroz  murakkab  ish  hisoblanib,  o‘qituvchidan  kasbiy 
pedagogika,  kasbiy  psixologiya,  ta’lim  texnologiyalari  kabi  fanlardan  habardor 

---

 
223 
bo‘lishlik, shuningdek, pedagogik va axborot texnologiyalari bo‘yicha yetarli bilim 
va ko‘nikmalarga ega bo‘lishlikni talab etadi.  
Oliy  ta’lim  muassasalarida  ma’ruza  darslarining  texnologik  xaritasini  qay 
ko‘rinish (shakl)da tuzish, bu o‘qituvchining tajribasi, qo‘ygan  o‘quv  maqsadi  va 
ixtiyoriga bog‘liq.Texnologik xarita qanday tuzilgan bo‘lmasin, unda dars jarayoni 
yaxlit  holda  aks  etgan  bo‘lishi  hamda  aniq  belgilagan  maqsad,  vazifa  va 
kafolatlangan  natija,  dars  jarayonini  tashkil  etishning  texnologiyasi  to‘liq  o‘z 
ifodasini  topgan  bo‘lishi  kerak.Texnologik  xaritaning  tuzilishi  o‘qituvchini  darsni 
kengaytirilgan  konspekti  (matni)ni  yozishdan  xalos  etadi,chunki  bunday  xaritada 
dars  jarayonining  hamda  ta’lim  beruvchi  va  ta’lim  oluvchi  faoliyatining  barcha 
qirralari o‘z aksini topadi.