Ислом каримов юксак маънавият енгилмас куч

Миллий ғоямизнинг узвий таркибий қисмларини ташкил қиладиган, комил инсон, ижтимоий ҳамкорлик, миллатлараро тотувлик, динлараро бағрикенглик каби тамойилларнинг маъно моҳиятини англамоқ, уни ёшлар қалбига етказмок бугунги кунда энг муҳим вазифадир.

3. Маънавий ҳаётда миллий ғоянинг зарурияти

Бизнинг энг улуғ мақсадимиз, энг улуғ ғоямиз шуки, Ўзбекистоннинг битта йўли бор: Мустақилликни мустаҳкамлаб, мамлакатимизни ҳар томонлама юксалтириб, ёруғ ва эркин ҳаёт сари олға юриш.

Мафкурамиз, тутган йўлимиз, бор куч ғайратимиз ана шу улуғвор ниятни амалга оширишга йўналтирилиши керак. Халқимизни, юртимиздаги барча сиёсий кучларни, нодавлат ташкилотларни ягона умумий мақсад атрофида бирлаштирадиган бир тану, бир жон қиладиган миллий ғоя ҳам аслида шу.

II. Маънавият ва жамиятнинг янгиланиши

Режа:

• Маънавият ва унинг моҳияти.
• Янги жамият пойдеворини барпо этишда эркин фуқаро маънавиятини шакллантириш.
• Миллий ўзликни англаш – Ватанга муҳаббат тўйғуси, миллий урф-одатларини қадрлаш, тарихий хотира.

1. Маънавият ва унинг моҳияти

Маънавият (арабча – «маънавият» - маънолар мажмуи) инсоннинг, гуруҳнинг, миллатнинг, халқнинг, жамиятнинг, давлатнинг руҳий оламидир.

Маънавият кенг тушунса бўлиб, маърифат, маданият тушунчаларини ҳам ўзига қамраб олади.

И.А.Каримов «Маънавият – инсоннинг, халқнинг, жамиятнинг, давлатнинг куч қудратидир. У йуқжойда ҳеч қачон бахт-саодат бўлмайди» деб таъкидлайди. (Мустақиллик изоҳли илмий-оммабоп луғат)

2. Янги жамият пойдеворини барпо этишда эркин фуқаро маънавиятини шакллантириш

Ҳаётимизнинг барча соҳаларида амалга оширилаётган кенг куламли ислоҳотларнинг самарадорлиги аввало халқ маънавиятининг тикланиши, бой тарихий меросимизнинг чуқур урганилиши, анъана ва урф-одатларимизнинг сақланиши, маданият ва санъат, фан ва таълим ривожланиши, энг муҳими, жамият тафаккурининг ўзгариши ва юксалиши билан узвий боғлиқдир. Шу боисдан хам, уз хақ-хуқуқини танийдиган, ўз кучи ва имкониятларига таянадиган, ён-атрофида содир бўлаётган воқеа-ўодисаларга мустақил ёндаша оладиган, айни замонда шахсий манфаатларини мамлакат ва халқ манфаатлари билан уйғун ҳолда қурадиган, ҳар жиҳатдан баркамол инсонларни тарбиялаш вазифаси истиқлол йилларида биз учун ҳал қилувчи масалага айланди.