Islom karimov nomidagi toshkent davlat texnika universiteti «elektronika va avtomatika» fakulteti

bu yerda, G_q - qalqoaichiing og‘irlngi, kg; V_q – qalqovich hajmi, m³; j_q – qalqovich tayyorlangan materialning solishtirma og‘irligi, kg/m³; j – o‘lchanayotgan muhitning solishtirma og‘irligi, kg/m³.

Bu holda qalqovichning og‘irlik kuchi pastga qaratilgan. Qalqovichning og‘irligi yuqoriga yo‘nalgan oqim kuchi bilan muvozanatlashadi:

S=(P₁-P₂)·f₀
bu yerda, P₁ va P₂ – muhitning qalqovichdan oldingi va keyingi bosimi, Pa; f₀ – qalqovich kesimining diametri eng katta joydagi yuzi, m².
Qalqovichning muhitning o‘zgarmas oqimiga mos bo‘lgan muvozanat holatidagi og‘irlik kuchi va itaruvchi kuch o‘rtasidagi tenglik quyidagicha:
V_q(j_q-j)=(P₁-P₂)·f₀
Bu holda ishqalanish kuchi e’tiborga olinmaydi; tenglama asosida qalqovichdagi bosimlar farqi:

∆P – bosimlar farqi, Pa.
Tenglama bosimlar farqining qalqovich hajmiga, kesim yuziga, qalqovich va muhitning solishtirma og‘irliklariga, ya’ni o‘lchash jarayonida o‘zgarmaydigan kattaliklarga bog‘liqligini ko‘rsatadi. Demak, sarf o‘lchanayotgandagi bosimlar farqi o‘zgarmas. O‘lchanayotgan muhitning konussimon naycha devorlari va qalqovich orasidagi o‘tish tezligi:

bu yerda, v – o‘tish tezligi, m/s.

tenglamadan

tenglamalarni tenglashtirsak, oraliq oqim tezligiga ega bo‘lamiz:

Oqimning halqa oralig‘idagi tezligi va uning yuzasi ma’lum bo‘lgach, o‘lchanayotgan muhitning hajmiy sarfini aniqlash mumkin:

bu yerda, Q_h – o‘lchanayotgan muhitning hajmiy sarfi, m³/soat; a – sarf koeffitsienti, bu tajribada olingan katalik bo‘lib, suyuqlikning qalqovichga ishqalanish ta’sirini, muhit uyurmasi hosil bo‘lgandagi bosim yo‘qolishini nazarda tutadi. Ildiz ostidagi kattaliklar o‘zgarmas bo‘lganligi uchun ularni K koeffitsient bilan almashtirish mumkin:
Unda
Q_h=a·F·K
Bu bog‘lanish chiziqli bo‘lgani sababli rotametrning shkalasi teng bo‘linmali bo‘ladi. Rotametrlarning sarf koeffitsienta a ni aniqlash analitik usulda topish qiyin bo‘lgan bir qator kattaliklarga bog‘liq. Shuning uchun, har bir rotametr tajriba yo‘li bilan darajalanadi. Sarf tenglamasiga kirgan barcha kattaliklar darajalanish shartlariga muvofiq bo‘lgandagina shkalaning bu tarzda darajalanishi aniq bo‘ladi.
Laboratoriya va sanoatda shisha (sarfni joyida o‘lchaydigan) va metalldan yasalgan (ko‘rsatishlarni masofaga uzatadigan) rotametrlar chiqariladi.
4.3-rasmda shisha naychali rotametrning tuzilish sxemasi ko‘satilgan. Bu asbob korpus 5 ga ustunlar 4 yordamida o‘rnatilgan konussimon shisha naycha 2 dan iborat. Naycha ichida pastdan yuqoriga oqadigan suyuqlik yoki gaz oqimi ta’sirida tik harakat qiluvchi qalqovich 1 bor. Asbobning shkalasi 3 bevosita naycha ustiga (chizish yo‘li bilan) darajalanadi. Hisoblashlar qalqovichning ustki gorizontal tekisligi bo‘yicha olib boriladi.
Konussimon naychali shisha rotatametrlar suv bo‘yicha 3000 l/soat va havo bo‘yicha 40 m³/soat o‘lchov chegarasiga; 0,6 mPa (6 kgk/sm²) gacha ishchi bosimga mo‘ljallangan. Asosiy xatolik ±2,5 %.
4.4-rasmda ko‘rsatishlarni masofaga elektr differensial-transformator orqali uzatadigan rotametr sxemasi keltirilgan. Rotametrning o‘lchash qismi diafragma 2 va silindrik metall korpus 1 dan iborat.
Diafragma 2 teshigida shtok 4 ga bikr qilib o‘rnatilgan konussimon qalqovich 3 harakat qiladi. Shtokning ustki qismida differensial transformatorli o‘zgartgichning o‘zagi 5 o‘rnatilgan. O‘zak naycha 6 ichida joylashgan, naycha tashqarisida esa o‘zgartgichning g‘altagi 7 bor.
Shkalasiz rotametlar ko‘rsatuvchi yoki qayd qiluvchi ikkilamchi differensial-transformatorli asbob tarkibida ishlatiladi. Rotametrlar ortiqcha ish bosimi ta’siridagi muhit sarfini o‘lchash uchun (6,27 mPa) chiqariladi. Bu asboblar kattaroq ortiqcha bosimlarga ham mo‘ljallab chiqariladi. Bundan tashqari, o‘zgarmas 0...5 mA tokli chiqish signali bilan ishlaydigan rotametrlar ham mavjud. Ularning suv bo‘yicha o‘lchash chegarasi 16000 l/soat. Asosiy xatolik ±1,5 %.
Portlash va yong‘in xavfi bor joylarda ko‘rsatishlarni masofaga pnevmatik uzatadigan rotametrlar ishlatiladi. Bunday rotametrning prinsipial sxemasi 4.5-rasmda ko‘rsatilgan. Bu rotametrning o‘lchash qismi konussimon qalqovich 1, diafragma 2 va po‘latdan ishlangan silindrik quvur 3 dan iborat. Qalqovich konussimon quvur ichida harakat qiluvchi rotametr turlari ham mavjud. Shtok 4 ga ikkita silindrik magnit 5 biriktirilgan. Bu magnitlar bir-biriga bir xil ishorali qutblari bilan qaratilgan. Magnitlar qalqovich bilan birga naycha 6 ichida siljiydi.