Ислом каримов номидаги тошкент давлат техника университети

Курс ишининг тақдимотини тайёрлаш ва ҳимояси
Курс ишини якунловчи босқичида унга ижобий тақриз берилиб иш химояга тавсия қилингандан сўнг талаба курс иши ҳимояси учун иш бўйича тақдимот тайёрлайди.
Яхши тайёрланган тақдимот ҳимоянинг ижобий ўтишининг 50 % ини таъминлайди. Шунинг учун кафедра томонидан талабаларга тақдимотни тайёрлашдаги асосий талаблар етказилиши керак. Курс ишининг тақдимотида қуйидагилар бўлиши керак:

• 
  мавзунинг номи;
  
• 
  мавзунинг долзарблиги;
  
• 
  курс ишининг мақсади ва вазифалари;
  
• 
  тадқиқот объектининг қисқача тавсифи;
  
• 
  ишнинг қичқача мазмуни, ишни бажариш давомида олинган асосий натижалари;
  
• 
  курс иишида қўлланилган метод ва методологиялар;
  
• 
  жадваллар, графиклар, схемалар, диаграммалар;
  
• 
  хулосалар.
  

Курс иши ҳимояси муваффақиятли ўтиши талабанинг ўз фикрларини аниқ ва равшан, тушунарли ва равон ифода этиши, тайёрланган материалларнинг сифати хамда уларни иштирокчиларга етказиб бериш билан белгиланади. Курс ишини видеопроекторда тақдим этади.
Тақдимот материаллар 12-15 слайдлардан ошмаслиги керак. Слайдлар рақамланган бўлиши кеарк. Бу эса тақдимотнинг якунида иштирок этувчиларнинг саволлар беришларида слайдларнинг рақами билан боғлашлари учун қулайлик яратади.
Биринчи слайд титул ҳисобланиб, титул слайдида курс ишининг титули акс эттирилади. Кейинги слайдларда ишнинг долзарблиги, ишнинг мақсад ва вазифалари ва бошқа материалларни киритиш мумкин.
Курс ишини топширувчи талабанинг тақдимоти 10-15 дақиқа давомида тингланилади. Тақдимотдан сўнг курс иши раҳбарининг тақризи ўқиб эшиттирилади. Ҳайъат аъзолари томонидан берилган саволларга талаба аниқ ва тушунарли қилиб жавоб бериши лозим. Раҳбар тақризи бўйича норозиликлар бўлса ҳимоячи камчиликлар тўғриланганлиги тўғрисида гапириб ўтиши лозим.
Курс ши ҳимояси давомида талабага берилиши мумкин бўлган саволлар мавзуга таалуқли бўлиб, олиб борилган тадқиқотлар ҳамда уларнинг натижаларига боғлиқ бўлади. Саволлар сони тақдимотнинг мазмуни ва сифатига боғлиқ бўлади. Комиссия аъзоларига талабанинг берган жавоблари аниқ ва асосли бўлиши керак.