Ishning umumiy tavsifi

Tadqiqotning vazifalari.
-suv leksemasining boshqa tillardagi ko‘rinishlarini aniqlash va o‘zaro qiyoslash;
-sinonimlik, omonimlik, ko‘p ma’nolilik hodisalarini o‘rganish;
-o‘zbek tilida suv leksemasining funksional-stilistik va etnolingvistik xususiyatlarini aniqlash;
-badiiy uslubda qo‘llanilishi;
-suv ifodalaydigan ramziy ma’nolar;
-suv leksemasi asosida shakllangan konseptlarni aniqlash;
-suv leksemasi va xalqning urf-odatlarining o‘zaro munosabati;
-suv leksemasi asosida shakllangan barqaror birikmalarni mavzuviy guruhlarga bo‘lish;
-suv so‘zi ishtirok etgan gidronim, toponimlarni aniqlash, to‘plash.
Tadqiqot obyekti va predmeti sifatida suv leksemasi asosida shakllangan til birliklari olingan. Til birliklarini iboralar, maqollar, hikmatli so‘zlar, birikmali va murakkab terminlar tashkil etadi.
Tadqiqot usullari. Tadqiqot mavzusini yoritishda tasniflash, tavsiflash, qiyoslash, statistik, kognitiv tahlil metodlaridan foydalanildi.
Tadqiqot yangiligi. Tadqiqot natijasida o‘zbek tilshunosligida “suv” leksemasi asosida shakllangan barcha til birliklari keng o‘rganiladi, tadqiq qilinadi. Ularning matndagi va umumxalq tilidagi ma’nolari umumlashtiriladi, bir tizimga solinadi. Natijada esa barcha suv leksemasi asosida shakllangan barcha birliklar lingvomadaniy jihatdan tadqiq qilinadi.
Tadqiqotning hajmi. Tadqiqot kirish, asosiy qism, xulosa, foydalanilgan adabiyotlar va ilovadan iborat.