Ishning maqsadi va vazifalari

Kirish


XX asrning oxiriga kelib atrof-muhitni muhofaza qilish hamda tabiiy resurslardan oqilona foydalanish masalasi eng dolzarb muammoga aylandi. Bugun jahon ilm - fani muqobil energiya manbalarini izlab topish, yaratish, foydalanish samaradorligini oshirish, bu borada targ'ibot - tashviqot ishlari olib borishga alohida e'tibor qaratmoqda. Chunki bosqichma – bosqich muqobil energiyadan foydalanishga oʻtilmas ekan, tabiiy boyliklarimiz boʻlgan - neft, gaz, ko'mir zaxiralari tugashi va keyinchalik narxlarining oshishi natijasida dunyo aholisi juda katta muammo bilan yuzma-yuz keladi. Oʻzbekistonda noan'anaviy energiya manbalari, birinchi navbatda, quyosh energiyasidan foydalanishni kengaytirishga katta e'tibor berilmoqda. Prezidentimiz Islom Abdug'aniyevich Karimovning 2013 - yil 1 – martda qabul qilingan “Muqobil energiya manbalarini yanada rivojlantirish chora-tadbirlari toʻgʻrisida”gi farmonida muqobil energetika sohasidagi ilmiy salohiyatni yanada rivojlantirish, malakali kadrlar tayyorlash, bu boradagi qonunchilikni takomillashtirish, muqobil energiya manbalarini ishlab chiq uvchilar va foydalanuvchilarni rag'batlantirish, ularga soliq va bojxona imtiyozlari berish,
"Muqobil energiya manbalari to'g'risida”gi qonun loyihasini ishlab chiqish vazifalari belgilangan.