Қишлоқ хўжалигини илмий асосда йўлга қўймас эканмиз, соҳада ривожланиш бўлмайди

Анор қаламчаларини тайёрлаш.
Анор қаламчалари, 
асосан кузда, баъзан баҳорда шира ҳаракати бошланмасдан 
олдин ҳам тайёрланиши мумкин. Анор туплари қишда кўми-
ладиган ерларда кузда анор кесиш билан бир вақтда, кў-
милмайдиган ерларда эса эрта баҳорда тайёрланади. 
Қаламчалар апробация қилинган юқори ҳосилдор она туп-
лардан куз ойларида ҳосил йиғиб олингандан сўнг тайёрла-
нади. Бир йиллик новдалардаги қаламчаларни илдиз олиши 
юқори ҳисобланади. Бир йиллик қаламчаларнинг илдиз олиши 
ва ўсиши 2 ва 3 йиллик новдалардан олинган қаламчаларга қа-
раганда 30 кун олдин бошланади. Қаламчаларнинг диаметри 
камида 8-10 мм ва узунлиги 25-30 см бўлиши лозим.
Бундан кичик бўлган қаламчаларнинг илдиз олиши ва 
кўчат чиқиши кам бўлади. Шу билан бирга, 30 см дан узун-
роқ бўлган қаламчалар билан ишлаш анча ноқулай ва экиш 
материаллари кўп сарфланади. 

---

25
Анор етиштириш
51–
китоб
Новдаларнинг юқориги, жуда ингичка, пишиб етилмаган 
қисмларидан қаламча тайёрланмайди. Тайёрланган қаламчалар 
ён новдалардан тозаланади ва юқори учини бир томонга, пастки 
учини бошқа томонга қилиб 100 ёки 200 тадан икки томонидан 
боғланади. Ҳар бир боғламга оддий қора қалам билан навнинг 
номи ва қаламчаларнинг сони ёзилган ёрлиқ боғлаб қўйилади.
Анор қаламчаларида жадал илдиз олиши 12-14 °C да со-
дир бўлади. Қаламча учун қирқилган новдаларнинг учки но-
зик томони қирқиб ташланади, ён шохларидан тозаланади. 
Тайёрланган қаламчаларни очиқда қолдирмаслик лозим, 
акс ҳолда улар намини йўқотиб, экилгач тутмаслиги мумкин. 
Шунинг учун таёрланган қаламчалар баҳорда экилгунгача 
хандақ (ўра)ларда сақланади. 
Хандақларга жойлаштиришдан олдин, улар замбуруғ касал-
ликларига чалинмаслиги учун 5 соат давомида 0,5% ли хинозол 
эритмасида сақланади. Улар далада экилгунга қадар, чуқурлиги 
0,75-1,0 м ва эни 1,0-1,3 м келадиган ўраларда сақланади. Новда-
лар ўраларда кўндалангига горизонтал ҳолатда жойлаштири-
лади ва устига 3-4 см нам тупроқ тортилади. Ўра тўлганидан сўнг 
унинг устига 30-35 см гача тупроқ уюлади.
Қаламчалар узоқ сақлангани сари таркибидаги озиқ 
моддаларнинг камайиб бориши ҳисобига улар баҳорда суст 
ривожланиши, илдиз чиқариш қобилияти пасайиб кетиши 
мумкин. Бунинг олдини олиш учун хандақлардаги намлик да-
ражаси мўътадил, ҳарорат эса 4-6 °С дан ошмаслиги лозим.
Қаламчалар махсус совиткичларда сақланадиган бўл-
са ҳарорат 0-4 °С, намлик эса 80-85% атрофида ушланади. 
Баҳорда қаламчаларнинг сифати текширилади, соғломлари 
экиш учун ажратилади. Қаламчаларни узоқроқ жойга та-
шишда улар нам похол ёки полиэтилен плёнкага ўралади 
ёки брезент билан ёпилади.

---

26
100 китоб тўплами
9-расм. Анор қаламчаларини сақлаш