Қишлоқ хўжалиги корхоналарига ўсимликларни биологик ва кимёвий ҳимоя килиш воситаларини етказиб бериш шартномаси

IV.Маҳсулотни етказиб бериш ва қабул қилиш тартиби
4.1 Маҳсулотни етказиб бериш мазкур шартномада ёки шартнома асосида берилган буюртманомада курсатилган муддатлар ва ҳажмларда, мазкур шартномада кўрсатилган давр мобайнида амалга оширилади.
Буюртманомада Маҳсулотнинг тегишли туркумларини етказиб беришнинг мўлжалланаётган санасидан камида 10 кун олдин чопар орқали, почта орқали ёки бошқача тарзда берилади.буюрманомани чопар орқали қабул қилишда Етказиб берувчининг ходими Хўжаликда қоладиган нусхага санани кўрсатган ҳолда қабул килганлик туғрисида белги қуяди.
4.2 Ҳўжалик илгари берилган буюртманомани бекор қилишга ёхуд Маҳсулотнинг тегишли туркумларини етказиб бериш санасини ўзгартиришга ҳақли, бу ҳақда Етказиб берувчининг буюртманомада кўрсатилган санадан камида 3 кун олдин хабардор қилади.
Ҳўжалик томонидан берилган буюртманомада кўрсатилган миқдордаги Маҳсулот келишилган чорак мобайнида олинмаса, Етказиб берувчи олинмаган маҳсулотни етказиб бериш мажбуриятидан озод бўлади. Бўнда ,Хўжалик томонидан олинмаган Маҳсулот учун олдиндан амалга оширилган тўлов суммаси Етказиб берувчи томонидан қайтариб берилади ёки кейинги чоракда олинадиган Маҳсулот ҳисобига ўтказилади.
4.3 Етказиб берувчи Маҳсулотни Хўжаликнинг экин ер майдонигача ўзининг транспортида етказиб беради, биологик ва кимёвий маҳсулотларни хўжаликнинг экин ер майдонига сепиш ва ишлов бериш тарафларнинг ўзаро келишувига асосан амалга оширилади.
Маҳсулотни транспортда ташиш ва тушириш бўйича барча харажатлар Етказиб берувчи ҳисобидан амалга оширилади.
Маҳсулот қабул қилиш шахобчасигача Хўжаликнинг ҳисобига траспортда ташилганда Етказиб берувчи транспорт харажатларини қоплайди.
4.4 Маҳсулот Етказиб берувчининг транспортида олиб борилганда, Маҳсулотнинг тўлиқ етиб бориши ва ташишга қуйиладиган барча талабларга риоя килиниши Етказиб берувчи зиммасига юкланади.
Маҳсулот Хўжаликнинг транспортида олиб кетилганда, қабул қилинган Маҳсулотни тўлик етиб бориши ва ташишга қўциладиган барча талабларга риоя қилиниши Хўжаликнинг зиммасига юкланади.
4.5 Хўжаликнинг розилиги ва тўлов миқдорлари етарли бўлса Маҳсулот муддатидан олдин етказиб берилиши мумкин. Етказиб берилган ва Хўжалик томонидан қабул қилинган Маҳсулот миқдори кейинги даврларда етказиб берилиши режалаштирилган Маҳсулот миқдоридан камайтирилади.
4.6 Тарафларнинг ўзаро келишувига асосан назарда тутилган миқдордан ортиқча бир номдаги Маҳсулот етказиб берилиши ушбу ассортиментга кирувчи шу қийматга эга бўлган боўқа номдаги етказиб берилмаган Маҳсулот ўрнини тшлдириш сифатида қаралади ва етказиб берилмаган Маҳсулотнинг ўрни тўлдирилмайди.
4.7 Етказиб берилган Маҳсулот Хўжаликнинг масъул ходими томонидан транспорт хужжати ва топшириш-қабул қилиш далолатномаси асосида қабул қилиб олинади. Далолатномада (транспорт хужжатлари)да етказиб берилган Маҳсулот миқдори ва сифати ҳамда етказиб берилган вақти кўрсатилади.