Ishlab chiqarishdagi mashina va mexanizimlarning mehnat unumdorligini oshirish va sifatli mahsulot ishlab chiqarish ushbu sanoat qurilmalarining avtomatlashganlik darajasiga bevosita bog’liqdir

KIRISH

Ishlab chiqarishdagi mashina va mexanizimlarning mehnat unumdorligini oshirish va sifatli mahsulot ishlab chiqarish ushbu sanoat qurilmalarining avtomatlashganlik darajasiga bevosita bog’liqdir. Sanoat qurilmalarining avtomatlashganlik darajasi bu qurilmalarning zamonaviy va energetik ko’rsatkichlari yuqori bo’lgan texnika vositalari bilan jixozlanishi bilan belgilanadi. Sanoat qurilmalari ishchi organlarini harakatlantiruvchi va ularni boshqaruvchi avtomatlashtirilgan boshqaruv tizimlarining asosini elektromexanik tizimlar (EMT) tashkil etadi.

EMT ning tashkil etuvchi elementlariga ishchi mashinaning ijrochi organini harakatga keltiruvchi elektr motor va uning koordinatalarini boshqaruvchi boshqariluvchi o’zgartkich, o’zgartkichning boshqaruv tizimi va turli o’lchov o’zgartkichlar, vazifalovchi qurilma hamda turli elektron moslama va qurilmalar kiradi. EMT ni tashkil etuvchi elementlariningg tahlili shuni ko’rsatadiki, aksariyat elementlar o’zining ishlash asoslari, ichki tuzilishi va boshqa xususiyatlari bilan talabalarga «Elektr mashinalari», «Elektr va elektron apparatlar», «Avtomatik boshqarish nazariyasi» va «Elektromexanik tizimlarning boshqariluvchi eneriya manbalari» fanlari bo’yicha ma’lumdir. Biroq zamonaviy EMT larni loyihalash, tahlil qilish va yaratish jarayonida tarkibiy elementlarining vazifaviy xususiyatlarini, ya’ni ularning kirish va chiqish koordinatalari orasidagi o’zaro bog’lanishlarni bilish talab etiladi. “Avtomatlashtirilgan elektromexanik sistemalar” fanning kurs ishining asosiy vazifalaridan biri elementlarning koordinatalari orasidagi bog’lanishlarning matematik ifodasini aniqlash, vazifaviy va tuzilish sxemalarini yaratish, uzatish funksiyalarini hamda hisob sxemalari kattaliklarini aniqlash, elementlarga dinamik zvenolar, deb qarab ularning xususiyatlarini tahlil qilish va ushbu texnik ko’rsatkichlar majmuasi asosida real elektromexanik tizimlar yaratishdan iboratdir.