“ishlab chiqarishda buxgalteriya hisobi” kafedrasi

Investitsiyalar – asosiy va aylanma kapitalni qayta tiklash va kо‘paytirishga, ishlab chiqarish quvvatlarini kengaytirishga qilingan sarflarning pul shaklidagi kо‘rinishidir. U pul mablag‘lari, bank kreditlari, aksiya va boshqa qimmatli qog‘ozlar kо‘rinishida amalga oshiriladi.
Investitsiyalarni rо‘yobga chiqarish bо‘yicha amaliy harakatlar – investitsion faoliyat, investitsiyalarni amalga oshiruvchi shaxsinvestor deyiladi.
Investitsiya faoliyati quyidagi manbalar hisobiga amalga oshirilishi mumkin:
- investorlarning о‘z moliyaviy resurslari (foyda, amortizatsiya ajratmalari, tо‘plangan pul jamg‘armalari va h.k.);
- qarz olingan moliyaviy mablag‘lar (obligatsiya zayomlari, bank kreditlari);
- jalb qilingan moliyaviy mablag‘lar (aksiyalarni sotishdan olingan mablag‘lar, jismoniy va huquqiy shaxslarning pay va boshqa tо‘lovlari);

• 
  byudjetdan investitsiyalarni moliyalashtirish;
  
• 
  chet elliklar mablag‘lari. Hozirgi davrda «..iqtisodiyotga xorij sarmoyasini, avvalo, bevosita yо‘naltirilgan sarmoyalarni keng, jalb etish uchun qulay huquqiy, ashrt-sharoitni, kafolat va iqtisodiy omillarni yanada kengaytirish» alohida ahamiyatga ega.
  

Investitsiya darajasiga kutiladigan sof foyda normasi va foiz stavkasidan tashqari boshqa quyidagi omillar ham ta’sir kо‘rsatadi:
1. Mashina va uskunalarni xarid qilish, ishlatish va ularga xizmat kо‘rsatish xarajatlari.
2. Tadbirkorlardan olinadigan soliq miqdori.
3. Texnologik о‘zgarishlar.
Asosiy tayanch tushunchalar
Iste’mol – jamiyat iqtisodiy ehtiyojlarini qondirish maqsadida ishlab chiqarilgan tovar va xizmatlardan foydalanish jarayonini bildiradi. Bunda milliy daromadning iste’mol fondiga teng qismi foydalaniladi.
Shaxsiy iste’mol – iste’molchilik tavsifidagi ne’matlar va xizmatlardan bevosita foydalanishni, ya’ni ularning invividual tarzda iste’mol qilinishini bildiradi.
Unumli iste’mol – ishlab chiqarish jarayonida ishlab chiqarish vositalari va ishchi kuchidan foydalanishni anglatadi.