Ishlab chiqarishda boshqaruv fakulteti

Guruhiy (gruppali) jadvallar deganda jadval egasi biron-bir belgi bo’yicha guruhlarga ajratib berilgan jadvalga aytiladi.
Farg’ona tumanida 30 ta oziq-ovqat do’koni mavjud. Shu do’konlarda tovar aylanmasining hajmi va muomala xarajatlari nisbiy darajasi o’rtasidagi bog’liqlikni o’rganish uchun analitik guruhlash metodini qo’lladik. Olingan natijalar 2-jadval keltirilgan.

2- jadvalda (guruhiy) juda qiziq ma’lumotlar keltirilgan, ya’ni tovar aylanmasi va muomala xarajatlarining mutlaq hajmi o’rtasida to’g’ri chiziqli bog’lanish, tovar aylanmasining mutlaq hajmi va muomala harajatlarining nisbiy darajasi o’rtasida teskari bog’lanish mavjudligi aniqlangan. Bu aloqalar statistikada juft aloqalar (bu masalalar keyingi mavzularda juda keng yoritiladi) deyiladi, ya’ni bir omilning natijaga ta’siri o’rganiladi.

2-jadval
Farg’ona tumani oziq-ovqat do’konlarini tovar aylanmasining hajmi bo’yicha guruhlash

Tovar aylanmasi hajmi bo’yicha do’konlar guruhi, mlrd, so’m	Do’konlar soni	Tovar aylanmasi hajmi, mlrd. so’m	Muomala xarajatlari
			Hajmi, mln.so’m	Nisbiy darajasi,(%)
1,8-2,8	17	39,2	2746	7,01
2,8-3,8	5	16,0	990	6,19
3,8-4,8	8	34,2	2040	5,95
Jami	30	89,4	5776	6,46

Lekin iqtisodiyotda shunday natijalar borki, ularning o’zgarishi bir paytning o’zida bir qancha omillarning o’zgarishiga bog’liq. Bu bog’lanishlarni o’rganishda, qisman bo’lsada, kombinatsion jadvallardan foydalanish mumkin.