«ishlab chiqarishda boshqaruv» fakulteti «iqtisodiyot» kafedrasi malakaviy amaliyot

1."ASIA ALLIANCE BANK"ning tashkil etilishi va faoliyatining o’ziga xos xususiyatlarini o’rganish

2019 yil 10 aprel kuni Farg'ona shahrining markazida joylashgan «ASIA ALLIANCE BANK» ATB Farg'ona filiali o'z mijozlari uchun eshiklarini ochdi. Keng ko'lamli bank xizmatlaridan to’laqonli foydalanish maqsadida qulay sharoitlari, katta yopiq avtoturargoh, malakali mutaxassislar va masofaviy xizmat ko'rsatish kanallari taqdim etadigan. Farg'ona filiali mutaxassislari konsalting xizmatlarini ko'rsatish, bank mijozlarini hisoblarini yuritish, pul o'tkazmalarini amalga oshirish, jismoniy shaxslarga iste'mol kreditlarini taqdim etish, shuningdek Farg'ona viloyati tadbirkorlarining o'z mablag'lari va kredit liniyalarining xorijiy mablag'lari hisobidan moliyalash imkoniyatiga egadirlar. Barcha shaxslar milliy valyutadagi UzCard kartalarini , shuningdek VISA va UnionPay xalqaro plastik kartalarini ochishlari mumkin.

1-rasm. “ASIA ALLIANCE BANK” tashqi ko’rinishi.

«ASIA ALLIANCE BANK» aksioner-tijorat banki yuridik va jismoniy shaxslar uchun barcha asosiy bank xizmatlari bozorlarida kuchli pozitsiyaga egalik qiluvchi bank bo‘lib, mijozlar sonini oshirish va o‘zini universal moliyaviy institut sifatida namoyon etish orqali doimiy ravishda resurslar bazasini to‘plashga harakat qilmoqda. Bank o‘z faoliyatini 10 yildan buyon olib boradi va shu vaqt ichida sermahsul natijalarga erishgan va mijozlari ishonchini qozongan ishonchli va barqaror hamkor sifatida o‘zini ko‘rsata oldi.Avvaldan oqilona kredit siyosati, mustahkamlik, mijozlar ishonchi va xizmat sifatini oshirishni ustuvor vazifa deb tanlagan puxta tanlangan jamoa bankning jadal rivojlanishiga hissa qo‘shdi. Bularning bari, birinchi navbatda raqobatbardoshlilikni saqlab qolish, xo‘jalik sub'yektlari bilan bir qatorda xususiy mijozlarning turli ehtiyojlarini qondirishga imkon beradi.  «ASIA ALLIANCE BANK» filial tarmoqlarini mijozlarni jalb etish va ularning sonini oshirishni asosiy omili sifatida faol tarzda rivojlantirib bormoqda. O‘z faoliyati davomida bank xizmatlari va mahsulotlarini targ‘ib qilish maqsadida infratuzilmali bo‘linmalarini kengaytirishga alohida e'tibor qaratmoqda. Hozirda Toshkent shahrida oltita yirik filiallar – Bankning bosh idorasi qoshidagi Amaliyot boshqarmasi, Shayxontohur, Olmazor, Mirzo Ulug‘bek, Mirobod va Chilonzor filiallari mavjud. Shuningdek, 16 mini-banklar, korxonaga tegishli 14 ixtisoslashtirilgan kassalar mavjud.2019 yil 10 aprelda bank Farg‘ona shahrining markaziy va aholi zich joylashgan tumanlarining birida mijozlar uchun Farg‘ona filialini ochdi. Filial binosining qulay joylashuvi, shinam sharoitlar, katta yopiq avtoturargoh Farg‘ona aholisi uchun malakali mutaxassislar va masofaviy kanallar tomonidan taqdim etiluvchi keng ko‘lamdagi bank xizmatlaridan foydalanish imkonini beradi.

Bank quyidagi bank operatsiyalarini amalga oshirishi mumkin:

• 
  Jismoniy va yuridik shaxslarning, shu jumladan vakil banklarning hisobvaraqlarini ochish va yuritish, hisobvaraqlar bo‘yicha hisob-kitob qilish; omonatlarga pul mablag‘larini jalb etish;
  
• 
  Kreditlarning qaytarishliligi, to‘lovliligi, ta’minlanganligi, maqsadliligi va muddatliligi sharti bilan o‘z mablag‘lari va jalb etilgan mablag‘lar hisobidan o‘z nomidan Bank mijozlariga – korxona, tashkilot va muassasalarga kreditlar berish;
  
• 
  Mablag‘ egasi yoki mablag‘ni tasarruf etuvchi bilan tuzilgan shartnomaga binoan pul mablag‘larini boshqarish;
  
• 
  Moliyaviy lizingni tashkillashtirish va amalga oshirish;
  
• 
  Qimmatli qog‘ozlar chiqarish, xarid qilish, sotish, hisobini yuritish va ularni saqlash, mijoz bilan tuzilgan shartnomaga binoan qimmatli qog‘ozlarni boshqarish, shuningdek qimmatli qog‘ozlar bilan O‘zbekiston Respublikasining amaldagi qonunchiligida taqiqlanmagan boshqa operatsiyalarni barajarish;
  
• 
  Pul mablag‘lari, veksellar, to‘lov va hisob-kitob hujjatlarini inkasso qilish;
  
• 
  Jismoniy va yuridik shaxslarga hujjatlar va boshqa boyliklarni saqlash uchun maxsus binolar yoki ular ichidagi po‘lat sandiqlarni ijaraga berish;
  
• 
  Uchinchi shaxslardan majburiyatlarning bajarilishini talab qilish huquqini olish;
  
• 
  Bank faoliyati yuzasidan maslahat va axborot xizmati ko‘rsatish;
  
• 
  Uchinchi shaxslar nomidan majburiyatlarning bajarishini nazarda tutuvchi kafolatlar berish;
  
• 
  Xalqaro bank amaliyotlariga muvofiq, O‘zbekiston Respublikasi Markaziy banki tomonidan bank operatsiyalarini amalga oshirish uchun berilgan litsenziyasida maxsus ko‘rsatilgan boshqa operatsiyalar;