Ishlab chiqarish ta`lim ustalari Sh. Isakova va M. Yuldashevalar o`quvchilarni tadbirga tayyorlab, ularda oshpazlik kasbiga qiziqish va bu kasbning bugungi kunda naqadar dolzarbligini tushuntirdilar

Yoshlarni kasbga o`qitishning zamonaviy tizimini rivojlantirish maqsadida “World Skills International” harakatiga qo`shilish bo`yicha 2019 yil 13 mayda Vazirlar Mahkamasining “Mehnat bozorida talab yuqori bo`lgan malakali kadrlarni kasbga tayyorlash tizimini takomillashtirish chora-tadbirlari to`g`risida”gi qaarori qabul qilini va 2020-yil 18- yanvar kuni O`zbekiston “World Skills International” xalqaro assotsiyatsiyasining a`zo davlati etib tayinlandi. Shunga muvofiq mamlakatimiz o`quvchi yoshlarini jahon standartlariga javob bera oladigan raqobatbardosh kadrlar qilib tayyorlashda kasb-hunar maktablarining ro`li kattadir. Yosh oshpazlarni jahon standartlari bo`yicha xalqaro miqyosdagi oshpaz qilib tayyorlash va ta`til mobaynida ularning vaqtini unumli o`tkazishga ko`maklashish bo`yicha Urganch shahar 2-son KHMning I-bosqich o`quvchilari o`rtasida 8-yanvar kuni oshpazlik kasbi bo`yicha tanlov o`tkazildi.
Ishlab chiqarish ta`lim ustalari Sh.Isakova va M.Yuldashevalar o`quvchilarni tadbirga tayyorlab, ularda oshpazlik kasbiga qiziqish va bu kasbning bugungi kunda naqadar dolzarbligini tushuntirdilar.
Turizm industriyasi jadal sur`atlarda taraqqiy etayotgan davrda turistlar tashrifi sonining ijobiy o`sishida, restoranlar, mehmonxonalar nufuzining oshishida oshpazlarning va ular tayyorlagan sifatli va tansiq taomlarning ahamiyatini, xo`randalar xohishi, ta`bi, sanitarita-gigiena qoidalariga muvofiqligi, taomlar xilma-xilligi va milliy taomlarni maromiga yetkazib tayyorlash uslublarini o`rganishda tanlovning ahamiyati juda muhimdir. Bu tanlov kichik tadbir bo`lsa-da, o`quvchilarda o`z kasbiga muxabbatni shakllantirish va xalqaro miqyosdagi oshpaz bo`lib shakllantirishdagi muhim qadamdir.