Ishlab chiqarish bino va joylarda zararli gaz va bug’larni konsentratsiyasini aniqlash labaratoriya mashg’ulotidan olgan xulosalarimiz asnosida ko’plab zaruriy ko’nikmalarga EGA bo’ldik

Xulosa

Ishlab chiqarish bino va joylarda zararli gaz va bug’larni konsentratsiyasini aniqlash labaratoriya mashg’ulotidan olgan xulosalarimiz asnosida ko’plab zaruriy ko’nikmalarga ega bo’ldik. Ushbu laboratoriya mashg’ulotini boshlashdan avval zaharli moddalarning fizik va kimyoviy xossalari bilan tanishib chiqdik. Bundan ko’zlangan maqsad o’lchash jarayonida zaharli moddalar ta’siriga tushib qolishdan o’zimizni himoya qilish va uning ayanchli oqibatlari haqida qisman tasavvurga ega bo’lish edi. Moddalarning agregat holatlari, ayniqsa zaxarlilarining zichligi va shundan kelib chiqqan holda havoda uchuvchanligi yoki suzuvchanligini diqqat bilan o’rganib chiqdik. Manbalarda ko’rsatilgan yo’riqnoma asosida mashg’ulotni olib bordik va ushbu tahlil natijalarini UG-2 “Unversal gaz taxlil qilish qurilmasi” yordamida aniqladik. O’lchash jarayonini binoning belgilangan nuqtalarida amalga oshirdik. Lekin ba’zi bir qiyinchiliklarga ham duch keldik. Bu jarayonlar ichida eng mushkuli bu sinama olish edi. Ushbu jarayon 40-50 daqiqa davom etdi. Sinama olishdan maqsad ba’zi bir tahlil qilinishi zarur bo’lgan moddalarni faqatgina mahsus kapsulada yoki laboratoriya xonasida tekshirish mumkinligida edi. Tekshirish jarayonida shunga guvoh bo’ldikki, olingan namuna boshqa kimyoviy modda yordamida eritilar ekan. Shundan so’nggina u haqida aniq ma’lumot olish mumkin ekan. Bug’ va gazlarning sinama namunalari bilan ishlashda alohida hushyorlik talab qiladigan jarayonlar ko’p ekan. Olingan tahlil natijalari o’laroq hududagi zararli gaz va bug’larning konsentratsiyasi xisoblandi va belgilangan me’yoriy qiymatlar bilan solishtirib chiqildi.