«ишлаб чиқариш инфратузилмаси» фанидан маърузалар матни

Маданий, спорт ва ҳордиқ инфратузилмаси:

• 
  Спорт ва ҳордиқ инфратузилмаси (ш.ж. истироҳат боғлари, спорт иншоотлари, спорт уюшмалари ва ҳ.к.)
  
• 
  Маданий инфратузилма (ш.ж. концерт заллари, музейлар, кутубхоналар, театрлар, студиялар ва ҳ.к.)
  
• 
  Бизнес саёҳат ва туризм инфратузилмаси (ш.ж. сунъий ва табиий аттрационлар, конференция марказлари, меҳмонхоналар, ресторанлар ва бошқа сервислар)
  

2.Ривожланган мамлакатларда инфратузилма активларини бошқариш тажрибаси.
Инфратузилма активларини бошқариш – (Infrastructure Asset Management) - бу жамият инфратузилмаси активларини (сувни тозалаш иншоотлари, канализация тармоқлари, йўллар, коммунал тизимлари, кўприклар ва темир йўллар) таъминлаб туришда қўлланиладиган стратегияларнинг интеграциялашган мажмуи.
Инфратузилма активларини бошқариш жараёнида асосий эътибор инратузилма иншоотлари ҳаёт циклининг сўнгги босқичларига, хусусан, уларни таъминлаб туриш, ҳолатини тиклаш ва ўрнини алмаштиришга қаратилган. Инфратузилма активларини бошқариш молиявий эмас, балки кўпроқ жисмоний активларни (яъни мулкларни) бошқаришни назарда тутади.
Инфратузилма активларини бошқаришда инфратузилмани таъминлаб туриш стратегияларини ташкил этиш ва амалга оширишда асосан компьютер дастурларидан фойдаланилади. Бунда узоқ муддатли инфратузилма активларининг хизмат муддатини муҳофаза қилиш ва узайтириш каби асосий мақсад қўйилади. Бу эса жамият турмуш сифатини ҳамда иқтисодиёт самарадорлигини таъминлаб туришда муҳим асосий компонент бўлиб ҳисобланади.
Инфратузилма активларини бошқаришдаги муҳим жараёнлар ва вазифалар қуйидагиларни ўз ичига олади:

1. 
   Инвидидуал активлар (инвентарлар) бўйича ситематик қайдларни олиб бориш (мас. сотиб олиш харажатлари, бошланғич хизмат муддати, қолдиқ фойдали хизмат муддати, жисмоний ҳолати, ремонт ва тахминотнинг изчиллиги);
   
2. 
   Активларни бутун қисмини режа бўйича сақлаш, ремонт ва алмаштириш орқали таъминлаб туриш учун муайян дастурни ишлаб чиқиш;
   
3. 
   Ушбу тизимларни қўллаб-қувватлаш учун ахборот тизимларни амалга ошириш ва бошқариш (GIS - Геоахборот тизимлари).
   

Инфратузилма активларини бошқаришнинг асосий компонентлари:
1. Хизмат қилиш стандартини белгилаш
- активлар қандай функцияларни бажариши бўйича ўлчанадиган спецификацияларни ўрнатиш
- активлар ҳолатининг энг минимал даражасини ўрнатиш
2. Активларни бошқариш учун активларнинг бутун хизмат муддати мобайнидан кетадиган харажатларни белгилаш
3. Активларни бошқариш режасини ишлаб чиқиш