Ыщчыорова Фарангиз

Kurs ishning metodologik asosi bo‘lib, avvalo Oila kodeksi, «Sog‘lom avlod» davlat Dasturi hamda birinchi Prezidentimiz I.A Karimovning ma’naviy va ijtimoiy hayotni erkinlashtirish, ma’naviy-ma’rifiy islohotlarni chuqurlashtirish bilan bog‘liq fikr va g‘oyalari hamda Respublika «Oila» ilmy-amaliy markazida «Ona va bola yili» davlat dasturi doirasida ishlab chiqqan «XX1 asr oilasi» konsepsiyasi tashkil qiladi.
Respublikamizda oila va nikoh masalalariga e’tiborning kattaligini hisobga olib, ko‘pchilik tadqiqotchilar o‘z ilmiy izlanishlarini ana shu muammolarga bag‘ishlaganlar. O‘zbekiston psixologlari G‘.B.SHoumarov, V.M.Karimova, E.N.Sattorov, N.A.Sog‘inov, F.Akramova, YO.No‘‘monova va boshqalarning o‘zbek oilasini tadqiq etish bo‘yicha ishlab chiqqan nazariy yondashuvlari ham xizmat qildi.


Kurs ishning maqsad va vazifalari.
Oilaviy qadriyatlar, oilaviy munosabatlarni yoshlar tafakkuriga singdirish yangi davr talablaridan biri bo‘lib qolmoqda. SHuning uchun oilaviy hayot zaminida yuzaga keladigan noxush hodisalarning oldini olish, oilalar buzilishining oldini olish va noto‘liq oilalar miqdorini kamaytirish, ularda har tomonlama sog‘lom psixologik iqlimni yuzaga keltirish borasida amalga oshiriladigan ishlarning samaradorligi shu oilalarni yuzaga keltirayotgan yoshlarning shaxsiga, ularning oilaviy hayotlarini maqsadga muvofiq ravishda tashkil etishga qay darajada tayyor ekanliklariga va yoshlarning psixologik bilimdonligiga bog‘liqdir.
SHulardan kelib chiqib, oilaviy nizolarning psixologik sabablarini o‘rganish masalasi tadqiqotning asosiy maqsadi bo‘lib xizmat qiladi.
Tadqiqot maqsadini amalga oshirish uchun uyidagi vazifalar belgilandi:

1. 
   Oilaviy nizolarning vujudga kelishini tahlil qilish.
   
2. 
   Oilaviy nizolarni bartaraf etish yo‘llarini o‘rganish.
   
3. 
   YOshlarning oilaviy hayot haqidagi tasavvurlarini o‘rganish.
   
4. 
   «Oilangizda nizolar mavjudmi?» metodikasi orqali talaba yoshlarning oilaviy hayotini tadqiq etish.
   
5. 
   Olingan natijalarni tahlil qilish, umumlashtirish va xulosalar chiqarish.