Иш д а ф т а р и факултет Курс гуруҳ

Давлат фармакопеясида келтирилган бу реакциялардан ташқари, препаратнинг чинлиги бошқа реакциялар ёрдамида ҳам аниқланади.

Масалан, унинг сувдаги эритмасига йод ёки метилен кўки эритмасидан қўшганда улар ҳам рангсизланади.



Яна препаратни берлин лазури ҳосил қилиш реакцияси бўйича ёки Фелинг суюқлигидан мисни мис(I) оксид қизил ғишт рангли чўкма ҳолигача қайтариш реакцияларидан ҳам, аскорбин кислотанинг чинлигини аниқлашда фойдаланилади. Берлин лазурининг ҳосил қилиш реакциясида препарат эритмасига хлорид кислота иштирокида калий гексацианоферрат (Ш), кейин эса темир (III) хлорид эритмаси қўшилганда кўк рангли чўкма ҳолида берлин лазури пайдо бўлади.

Аскорбин кислотанинг миқдори бир неча усуллар бўйича аниқланади. Улардан фармацевтика таҳлилида кўп қўлланадиган ва ДФ дан ўрин олгани йодотаметрик усулдир. Бу усул бўйича аниқ миқдордаги препарат эритмасини хлорид кислота, калий йодид ва крахмал индикатори иштирокида калий йодатнинг 0,1 моль/л эритмаси билан суюқлик кўк рангга бўялгунга қадар титрланади. Реакциянинг эквивалент нуктасида, охирги қўшилган бир томчи калий йодат эритмаси суюқликдаги калий йодиддан эркин йодни ажратиб чиқаради. У ўз навбатида крахмални кўк рангга бўяйди.


Аскорбин кислотанинг миқдорини нейтраллаш усули бўйича натрий гидроксид эритмаси ёки йодометрик усулда йод эритмаси билан бевосита титрлаб аниқлаш ҳам, фармацевтика таҳлилида кенг қўлланади. Бу усуллардан айниқса аскорбин кислотани унинг дори турларида аниқлашда кўп фойдаланилади.
Аскорбин кислота организмда оксидланиш-қайтарилиш, шунингдек углеводлар алмашиниш жараёнининг нормал бўлишида фаол иштирок этади. Витамин С етишмаганда цинга (зангила) касаллиги келиб чиқади.
Препарат 0,05—0,1 г дан кукун, драже, таблетка ва эритмалар ҳолида ичишга тавсия қилинади. Унинг 1,2 ва 5% ли стерилланган эритмалари вена ва мушак орасига юборилади. Витамин С натрийли тузининг стерилланган эритмалари эса тери остига инъекция қилинади.
Препарат оғзи маҳкам ёпиладиган идишларда, ёруғлик ва ҳаво кислороди таъсиридан муҳофазаланган ҳолда сақланади.