Is lm analizi ushın zárúrli shártler

II-bap. IS-LM modeliniń túsinigi hám AS-AD modeli menen baylanısı

Ónimler hám pul bazarları bir-biri menen tıǵız baylanısta. Bul óz náwbetinde yeki bazarda bir waqıtta teńsalmaqlılıqtıń payda bolıwınıń shártlerin túsindirip beredi. AD-AS modelinde hám keynstiń atanaǵı modelinde bazardaǵı procent stavkasıda ekzogen ózgeriwsheń (peremennaya) boladı hám  pul bazarında, tovar bazarınıń teńsalmaqlılıǵına qaramay, belgildenedi. Dj.Xiks keynsshilerdiń teoriyasına tiykarlanıp 1937-jılı bazar teńsalmaqlılıǵınıń standart modelin oylap taptı, bul modeldiń atı «IS-LM modeli». Bul modelden paydalanıp ekonomikanı analizlegende tiykarǵı maqset tovar hám pul bazarın bir sistemaǵa biriktirip qarawdan ibarat. Nátiyjede bazardaǵı procent stavka ishki (endogen) ózgeriwshige aylanadı, hám onıń teńsalmaqlılıq muǵdarı pul hám tovar bazarlarda ekonomikalıq proceslerdiń dinamikasın sáwlelendiredi. Bazardaǵı ulıwma teńsalmaqlılıq IS – LM qıya sızıqları arqalı izertlenedi. IS hám LM qıya sızıqlarınıń birlikte bolǵan (sovmestnıy) analizi pul hám tovar bazarınıń izertlewshi tolıq keynsshilerdiń modeli desek boladı.

IS sızıǵı tovar bazarındaǵı teńsalmaqlılıqtı sáwlelendiredi (12.1-súwret). Bul iymeq sızıq tovar bazarınıń teńsalmaqlılıq jaǵdayda bolatuǵın procent stavkanıń hám real dáramat dárejesiniń kombinaciyaların sáwlelendirip kóplegen toчkalardı biriktiredi.