Iqtosodiyot

O`zbekistonda ishsizlik va infilatsiyaning bartaraf etish borasida olib borilayotgan islohotlar
O‘zbekiston Liberal-demokratik partiyasining amaliy takliflari asosida davlatimiz rahbarining 2019 yil 20 avgustdagi “Xorijda vaqtinchalik mehnat faoliyatini amalga oshirayotgan O‘zbekiston Respublikasi fuqarolari va ularning oila a’zolarini himoya qilish kafolatlarini yanada kuchaytirish choralari to‘g‘risida”gi Farmoni qabul qilindi. Mazkur hujjatda fuqarolarni xorijda uyushgan holda ishga joylashtirish, ular huquqlarini himoya qilish mexanizmini kuchaytirish, mehnat migrasiyasidan qaytib kelgan shaxslar, shuningdek, ularning oila a’zolarini ijtimoiy qo‘llab-quvvatlashga qaratilgan aniq vazifalar ko‘zda tutilgan.
Shunga muvofiq, mehnat migrantlariga bir yil muddatga so‘raladigan hujjatlar minimal paketi (pasport, ariza, mehnat organi iltimosnomasi) garov ta’minotisiz, uni tezlashtirib, bir bank ish kuni davomida berishni rasmiylashtirish ma’qullandi. Shuningdek, xorijda ishga joylashish bilan bog‘liq bo‘lgan xarajatni to‘lash uchun 2 million so‘m miqdorida mikroqarz berish tizimi joriy etilmoqda. Bundan tashqari, hujjatga ko‘ra, endilikda vaqtincha mehnat faoliyati bilan shug‘ullanish uchun xorijga jo‘nash istagini bildirgan shaxslarga onlayn rejimida ishga joylashish tartibi, ularning huquq va majburiyatlari, qonunchilikda nazarda tutilgan moliyaviy qo‘llab-quvvatlash choralari to‘g‘risida axborot berib boriladi, uy-joy sharoitini yaxshilashga ehtiyojmand mehnat migrantlariga 2020 yilda ko‘p kvartirali uylardan 3462 ta xonadon ajratiladigan bo‘ldi.
Biz saylovoldi dasturimizda aholining to‘la bandligini ta’minlash va mehnatga munosib haq to‘lash, yangi ish o‘rinlari yaratish hamda ishsizlik darajasini qisqartirish kabi o‘ta muhim vazifalarni belgilab olganmiz. 
Partiya kelgusi faoliyati davomida O‘zbekistonning xalqaro ishchi kuchi bozoriga bosqichma-bosqich kirib borishi, mehnat migrasiyasi jarayonlarini tartibga solish, o‘z uyi, oilasini tashlab uzoq yurtlarda daromad topish maqsadida ishlayotgan yurtdoshlarimiz haq-huquqlari, qonuniy manfaatlari kafolatlarini kuchaytirish, jamiyatda ularga nisbatan bildirilayotgan har qanday salbiy munosabat va fikrlarga qarshi turish hamda davlatlararo hamkorlikni mustahkamlashga doir “Mehnat migrasiyasi to‘g‘risida”gi qonun loyihasini ishlab chiqish tashabbusini ko‘rsatmoqda
Hozirda O‘zbekistonda inflatsiya darajasi 11,6 foiz bo‘lib, bu ko‘rsatkich yil yakuniga qadar 11 foizga tushishi kutilmoqda.
Markaziy bank raisi o‘rinbosari Behzod Hamroyev mamlakatda inflatsiya holati xususida ma'lumot berdi. Unga ko‘ra, 2020 yilning o‘tgan sakkiz oyida inflatsiya ko‘rsatkichi o‘tgan yilgi bilan solishtirganda 11,6 foizni tashkil qilgan.
«Avvalroq yil yakunigacha inflatsiya ko‘rsatkichi 11-12,5 foiz darajasida bo‘lishi prognoz qilingan edi. Hozirda yil oxirigacha 11 foiz atrofida inflatsiya bo‘lishini kutyapmiz. 2019 yilda bu ko‘rsatkich 15,2 foiz bo‘lgan. Ko‘rsatkich o‘tgan yilgiga nisbatan 4 bandga pasayishi kutilmoqda.
Keyingi yilda inflatsiya ko‘rsatkichida 10 foiz, 2023 yilda 5 foizlik targetga erishish rejalashtirilgan», dedi Hamroyev AOKAdagi matbuot anjumanida.
Behzod Hamroyev makroiqtisodiy barqarorlik, inflatsiya darajasini ushlab turish hozirda nega muhimligini tushuntirdi.
«Odamlar topayotgan daromadninig qadri bo‘lishi kerak. Bir yilda ishlab topgan mablag‘ingizning miqdori qanchaligi emas, shu pulga nimalar sotib olish mumkniligi, nimalarga qurbi yetishi muhimroq.
Makroiqtisodiy barqarorlikning asosiy ma'nosi odamlar ishlab topgan daromadning qadrini ushlab qolishdir», deya Markaziy bank vakilining so‘zlarini keltirmoqda Kun.uz muxbiri.
Shuningdek, pandemiya davrida aholiga yordam tariqasida qancha kredit mablag‘i kechiktirilgani aytib o‘tildi.
«Karantin davrida xo‘jalik yurituvchi sub'yektlar, odamlar daromadini yo‘qotdi. Ammo kredit olganlar bor, buni to‘lash kerak. Shu nuqtayi nazardan, 26,5 trl so‘m qiymatidagi kreditlarni to‘lash muddati 2020 yil 1 oktyabrgacha kechiktirildi.

Xulosa
Yuqorida ko’rib o’tganimizdek ishsizlik ham insoniyat oldida turgan katta muammolardan biridir.O’zbekistonda , yuqorida aytib o’tganimizdek,istiqloldan so’ng o’zimizda rivojlanmagan ko’pgina sohalar rivojlantirildi.Bu esa albatta yangi loyihalarga inson mehnati resurslari jalb etilgani va bunda ishsizlikning kamayishini ko’rdik.Ammo ishlab chiqarish sohasi bir maromda tekis ketaver-maydi.Tadbirkorlik har doim yangiliklar va yangi texnikalarga ehtiyoj sezadi.
Ishlab chiqarishda samarali bo’lgan texnologiyalar esa ish unumdorligini oshirgan holda ishsizlikni ortishiga ham olib keladi.Shu sababdan yuqorida aytilgan olimlarning fikri,ya’ni aholini to’liqligicha ish bilan ta’minlashning iloji yo’qligi to’g’ridir.
Har bir inson hozirgi kunda biror faoliyatni amalga oshirishni o’ylashi yoki o’zi yoqtirgan kasbni kuchli mutaxassisi bo’lish haqida aniq maqsad bilan harakat qilishi lozim.Shundagina ishsizlikning oldi olinadi.Yurtimizda hozirgi kunda yoshlarga ilm olishi va yangi g’oyalarini amalga oshirishi uchun keng imkon yaratilgan. Agar biz imkoniyatlarimizdan qo’limizdan kelgancha foydalanib O’zbekiston ravnaqi yo’lida harakat qilsak , o’ylaymanki kelajakda yurtimizda ishsizlik muammosi bo’lmaydi