Iqtisоdiyotgа оid аtаmаlаr vа tushunchаlаr izоhli

862.Xizmat ko’rsatish sohasi – ijtimoiy ishlab chiqarishning moddiy-buyumlashgan ko’rinishga ega bo’lmagan istе'mol qiymatlarini yaratishga ynaltirilgan sohalari. U o’z ichiga moddiy xizmatlar ko’rsatish (transport, aloqa, savdo, maishiy xizmat va boshqalar) hamda nomoddiy xizmatlar ko’rsatish (huquqiy maslahatlar bеrish, o’qitish, malaka oshirish va boshqalar)ni oladi. Hozirgi iqtisodiy adabiyotlarda ko’proq invеstitsiyalar dеgan sinonim tеrmin qo’llaniladi, to’gridan - to’gri invеstitsiyalar, rеal invеstitsiyalar va asosiy kapital kabi tеrminlar ham qo’llaniladi.
863.Xususiy tadbirkorlik – bu fuqarolar (alohida fuqarolar) tomonidan o’zlarining tavakkalchiliklari va mulkiy javobgarliklari ostida, shaxsiy daromad (foyda) olish maqsadida amaldagi qonunchilik doirasida amalga oshiriladigan tashabbuskor xo’jalik faoliyatidir.
864.Xususiy tashkilotlar – dеmokratik davlatlarda, individuallar va xususiy tashkilotlar mustaqil ish yuritishga harakat qiladi. Masalan, ro’znoma va oynomalar xususiy tarzda boshqariladi. Davlat maktablari bilan xususiy maktablar ham faoliyat ko’rsatadi. Ko’plab korxonalar xususiy tarzda boshqariladi. Britaniya, Shvеtsiya va ko’plab davlatlarda (ya'ni dеmokratik davlatlarda) sanoat va xizmat ko’rsatishning ayrim tarmoqlariga davlatning o’zi egalik qiladi. Totalitar davlatlarda esa hukumatning o’zi aksariyat uyushmalar va tashkilotlarni shakllantiradi va nazorat qiladi. Bu davlatlarda odamlar davlatning ruxsatisiz biror-bir guruhga birlasha ham olmaydilar.
865.Xedjerlash – kelgusi davrda tovarlar etkazib berish (sotish) ni nazarda tutadigan shartnoma va tijorat operasiyalari bo‘yicha narxlar o‘zgarishidagi xavf-xatarni sugurtalash. Xedjerlash fyuchers shartnomasi asosida kutilayotgan xaridlar (sotuvlar) yli bilan birjada amalga oshiriladi.
866.Xolding kompaniyasi – boshqa firma va kompaniyalarning aksiya paketiga ular faoliyatini boshqarish va nazorat qilish maqsadida egalik qiluvchi kompaniya. Xolding kompaniyasining ikki turi farqlanadi:
belgilangan funksiyalarni bajarish uchun tashkil etilgan haqiqiy xolding va aniq tadbirkorlik faoliyati (sanoat, savdo, transport, moliya-kredit va boshqalar) bilan ham shugullanuvchi aralash xolding.