Iqtisodiyot va turizm fakulteti servis sohasi iqtisodiyoti kafedrasi «iqtisodiyot» fanidan

TAYANCH IBORALAR

AHOLI DAROMADLARI - aholining ma'lum vaqt davomida pul va natura shaklida olgan daromadlari miqdoridan iborat. AD ga ish xaqi, tadbirkor daromadi, pensiya, nafaqa, stipendiya, kapitaldan olinadigan foyda, puldan olingan foiz, devidend, renta, ko'chmas mulk, qishloq xo'jalik mahsulotini, hunarmandchilik buyumlarini sotish va har xil xizmatlar ko'rsatishdan olingan daromadlardir.
BOZOR IQTISODIYOTI - erkin tovar pul munosabatlariga asoslangan, iqtisodiy monopolizmni inkor etuvchi, aholini ijtimoiy himoya qilishga yo'naltirilgan va boshqariladigan iqtisodiy tizimdir.
BOZOR QONUNLARI - pul vositasida bozorda Tovar ayirboshlashning mohiyatini ifoda etuvchi, uni boshqarib turuvchi ob'yektiv iqtisodiy qonunlar. Ular jumlasiga talab va taklif qonuni hamda pul muomalasi qonuni kiradi.

VALYUTA - ( ital. valuta. lat. valere- qadrlanmoq, qiymat ) mamlakatning pul birligi va uning tipi (oltin, kumush, qog'oz, pul)ga tenglashtirilgan to'lov vositalari.

SOLIQ — bu milliy daromadni taqsimlash va qayta taqsimlash jarayonida uning bir qismini budjetga majburiy tarzda o'tkazish shakli.

BOJ — bu yuridik va jismoniy shaxslardan maxsus vakolat berilgan oiganlar tomonidan ma’lum bir holatni belgilash yoki yuridik kuchga ega bo'lgan hujjatni berish uchun to'lanadigan to'lov.