|
Kurs ishini baholash tartibi
Kurs ishini baholash mezoni talabalarda ilmiy izlanishga qiziqish uyg‘otish, ularga to‘g‘ri ta’lim-tarbiya berishga xizmat qilishi zarur. SHu boisdan, har bir o‘qituvchi kurs ishiga taqriz yozish masalasiga, ob’ektiv nuqtai-nazardan yondashib, bajarilgan ishni talabaning javob berish darajasini ham hisobga olgan holda baholashi maqsadga muvofiq.
Kurs ishi sifat darajasiga qarab tabaqalashgan holda baholanishi zarur. Reyting tizimi bo‘yicha talabaning kurs ishi 5 “baho”lik tizim asosida baholanadi. SHuning uchun kurs ishini quyida berilgan jadvalda keltirilgan mezonlar bo‘yicha baholash maqsadga muvofiqdir.
Kurs ishini baholash tartibi va mezonlari
№
|
Belgilangan ball
|
Baholash mezonlari
|
1.
|
4,5-5
A+, A
|
Rejadagi savollarning mazmuni ijodiy yondashilgan holda yoritilgan bo‘lsa, foydalanilgan adabiyotlar va ma’lumotlarga havolalar berilib, adabiyotlar ro‘yxatida ko‘rsatilgan bo‘lsa va ish bo‘yicha berilgan savollarga aniq va to‘liq javob berib, o‘zining fikrini erkin bayon etsa, bunday tayyorlangan ishlarga “a’lo” baho qo‘yish mumkin.
|
2.
|
4,1-4,4
B+, B
|
Ish bo‘yicha berilgan savollarga aniq va to‘liq javob berib, o‘zining fikrini erkin bayon etsa, foydalanilgan adabiyotlar va ma’lumotlarga havolalar berilib, adabiyotlar ro‘yxatida ko‘rsatilgan bo‘lsa va bunday tayyorlangan ishlarga “juda yaxshi” baho qo‘yish mumkin.
|
3.
|
3,5-4
C+, C
|
Agar rejadagi 4-5 savolning 3-4 tasiga to‘liq javob yozilgan bo‘lib, bittasiga etarlicha javob berilmagan bo‘lsa yoki barcha savollar etarli yoritilib, himoya yetarli bo‘lmasa, talabaning javob berishiga qarab “yaxshi” baho qo‘yish mumkin.
|
4.
|
3-3,4
D+
|
Rejadagi 4-5 ta savolning bitta yoki ikkitasining mazmuni yoritilib, qolgan savollarga etarli javob berilmagan bo‘lsa, to‘g‘ri yozilgan javoblar ham darslik va kitoblardan ko‘chirilgan, foydalanilgan adabiyotlar ro‘yxati yo‘q, havolalar berilmagan va boshqa shu kabi imlo tavsifidagi kamchiliklar mavjud bo‘lsa va bu kamchiliklar himoyagacha tugatilsa, talabaning javobini hisobga olib, bu kabi ishlarni “juda qoniqarli” baholash mumkin.
|
5.
|
1-2,9
D
|
Rejadagi 4-5 ta savolning bitta yoki ikkitasining mazmuni yoritilib, qolgan savollarga etarli javob berilmagan bo‘lsa, to‘g‘ri yozilgan javoblar ham darslik va kitoblardan ko‘chirilgan, foydalanilgan adabiyotlar ro‘yxati yo‘q, havolalar berilmagan va boshqa shu kabi imlo tavsifidagi kamchiliklar mavjud bo‘lsa va bu kamchiliklar himoyagacha tugatilsa, talaba himoya qila olmasa, bu kabi ishlarni “qoniqarli” baholash mumkin.
|
6.
|
0-0,9
FAI
|
Kurs ishida quyidagi kamchiliklarga yo‘l qo‘yilgan bo‘lsa:
reja noto‘g‘ri va umuman, qoniqarsiz tuzilgan bo‘lib, mavzuning mazmuniga mos tushmasa;
kurs ishi e’tiborsizlik bilan pala-partish bajarilsa;
javoblar, asosan, o‘quv adabiyotlaridan ko‘chirilgan bo‘lsa;
foydalanilgan adabiyotlar ro‘yxati keltirilmagan bo‘lsa;
foydalanilgan adabiyotlar va ma’lumotlarga havolalar berilmagan bo‘lsa;
rejadagi savollar mohiyati biri ikkinchisidan ajratilmagan holda berilsa;
- kurs ishi talabaning o‘z husni xati bilan bajarilmagan yoki texnik jihatdan rasmiylashtirish talablariga javob bermasa.
|
Kurs ishini to‘g‘ri rasmiylashtirishga jiddiy e’tibor berish ham muhim hisoblanadi. CHunki kurs ishini mazmunli va etuk saviyada yozish bilan birga, uni savodli rasmiylashtirishga e’tibor berilsa, bu taqrizda alohida ko‘rsatiladi.
SHunday qilib, kurs ishining ham ijobiy, ham salbiy tomonlarini tahlil qilish, talabalarga tanlangan muammo bo‘yicha chuqur, nazariy va amaliy bilimlarga ega bo‘lishida ko‘maklashadi hamda ularni kelajakda yetuk iqtisodchi-mutaxassislar bo‘lib etishishiga yordam beradi. Talabaning yozgan kurs ishini hech qanday asossiz qoniqarsiz baholashga yo‘l qo‘yish mumkin emas, aks holda, bu ularning xafsalasini pir qilib, o‘qishga bo‘lgan ishtiyoqini so‘ndiradi, ya’ni talabaning ijodiy faoliyatiga ta’sir qiladi. SHu boisdan taqrizda kurs ishi mavzusi, mohiyati qay darajada yoritilganligini har tomonlama ob’ektiv tahlil qilib, qo‘yilgan bahoni dalillar bilan asoslash lozim.
Xulosa qilib shuni aytish mumkinki, kurs ishini yozish natijasida talabalar ijodiy fikrlay boshlaydi. Bu esa ularga kelgusi ilmiy ishlarini mustaqil tarzda yozishida katta ahamiyatga ega.
Do'stlaringiz bilan baham: |
