Iqtisodiyot va servis” kafedrasi Rо‘yxatga olindi: “tasdiqlayman”

Ўқув фанининг мақсад ва вазифалари
Фанни ўқитишдан мақсад - талабаларга рақамли иқтисодиётнинг бизнес ва ижтимоий соҳадаги ўрни ва аҳамиятини ўргатиш, бизнес жараёнларини рақамлаштириш, бизнес моделлари, электрон тижорат, блокчейн технологияларни қўллаш бўйича йўналиш профилига мос билим, кўникма ва малакаларни шакллантиришдир.
Фаннинг вазифаси - талабаларга рақамли иқтисодиёт инфратузилмасини ташкил этиш, блокчейн технологияларнинг мохиятини англаб етиш, глобал ахборот ресурс базаларидан самарали фойдаланиш, давлат-хусусий шериклик шартларида рақамли иқтисодиётни ривожлантириш, ахборот хавфсизлиги муаммоларини аниқлаш, электрон бизнес жараёнларини самарали ташкил этиш, электрон тижорат моделларидан самарали фойдаланиш юзасидан самарали қарорлар қабул қилишни ўргатишдан иборатдир.
Фан буйича талабаларнинг билим, кўникма ва малакаларига куйидаги талаблар куйилади. Талаба:

• 
  рақамли иқтисодиётнинг технологик ҳолати, ташқилий-ҳуқуқий ҳамда институционал хусусиятларини инобатга олган вазиятларни тўғри моделлаштириш, рақамли иқтисодиёт инфратузилмасини ташкил этиш; “блокчейн” технологияларининг моҳиятини англаб етиш; глобал ахборот ресурс базаларидан самарали фойдаланиш усул ва йўлларини билади ва улардан фойдалана олади;
  
• 
  рақамли иқтисодиётни ривожлантириш, “блокчейн” технологияларини жорий этиш; давлат-хусусий шериклик шартларида рақамли иқтисодиётни ривожлантириш, крипто-биржалар фаолиятини ташкил этиш, энг истиқболли ва стратегик муҳим лойиҳаларни амалга ошириш кўникмаларига эга бўлади;
  
• 
  рақамли трансформациянинг ижобий ҳамда салбий оқибатлари, уларга таъсир этувчи омилларни аниқлаш; рақамли иқтисодиётнинг макро ҳамда микродаражадаги кўрсаткичларга таъсирини баҳолаш; рақамли трансформация самарадорлигини баҳолаш; ахборот хавфсизлиги муаммоларини аниқлаш; давлат-хусусий шерикчилик асосида рақамли иқтисодиётни ривожлантириш учун платформалар ташкил этиш кўникмаларига эга бўлади