Iqtisodiyot nazariyasi

O’ZBEKISTON RESPUBLIKASIDA SOLIQ TIZIMINING SHAKLLANISH TARIXI VA ISTIQBOLLARI

3.1. O’zbekiston Respublikasida mavjud soliq tizimining shakllanish tarixi

Ma’lumki, O`zbekiston Respublikasining soliq siyosati mustaqillikka erishilgan dastlabki kunlaridan boshlab amalga oshirildi. Xususan, O`zbekiston Respublikasining 1991-yil 31 avgustda qabul qilingan «O'zbekiston Respublikasining davlat Mustaqilligi to'g`risida»gi Qonunda «Shu kundan e'tiboran O`zbekiston Respublikasi o`zining mustaqil soliq siyosatini olib boradi», deb ko`rsatilgan. Davlatning soliq siyosatining asosiy yo`nalishlari O`zbekiston Respublikasi Konstitutsiyasida ham ko`rsatib o`tilgan.

Mustaqillikka erishilgan dastlabki kunlardan boshlab soliq sohasida bir qancha qonunlar qabul qilindi. Shulardan eng asosiysi - Soliqlarning huquqiy asosi 1997-yil 24-aprelda 396-son bilan qabul qilingan «O'zbekiston Respublikasining Soliq kodeksi» bo`ldi. Soliq kodeksining qabul qilinishi soliq siyosatining izchilligi va yaxlitligini ta'minlashda muhim ahamiyatga ega bo`ldi. Shu o’rinda, Mustaqillik davrda soliq tizimi islohoti rivojlanishini uch bosqichga bo’lib ko’rsatish mumkin: