Iqtisodiyot” kafedrasi 5230100 – “Iqtisodiyot (tarmoqlar va sohalar bo`yicha)” ta`lim yo`nalishi bo`yicha ishlab chiqarish amaliyotning dasturi

1. Amaliyotning maqsadi va vazifalari

Ishlab chiqarish amaliyotining maqsadi – bu olingan nazariy bilimlarni mantiqiy va muntazam mustahkamlash va iqtisodiy tahlil qilish, real ishlab chiqarish sharoitlarida qabo`l qilinadigan boshqaruv qarorlarini baholash va asoslab berish bo`yicha amaliy ko`nikmalarni egallashdir.

Ishlab chiqarish amaliyotining asosiy vazifalari quyidagilardan iborat:

• 
  bozor iqtisodiyoti sharoitida ishlab chiqarishni tashkil etish va korxona iqtisodini o`rganish;
  
• 
  rejali-iqtisodiy ish usullarini chuqur o`rganish va o`zlashtirish;
  
• 
  jamoada tashkiliy ishlar tajribasini o`rganish.
  

2. Ishlab chiqarish amaliyotni on layn tashkil etish

Ishlab chiqarish amaliyotiga nazariy o`quv kursini muvaffaqiyatli yakunlagan talabalargagina yo`lanma beriladi.

Talabalarni amaliyotga yo`llash uchun asos bo`lib universitet va korxona ma`muriyati bilan tuzilgan shartnoma hisoblanadi.
Amaliyot boshlanishi oldidan talabalar bilan yig’ilish o`tkazilib, unda amaliyotning maqsadi, vazifalari, tartibi va muddati tushuntiriladi, ularga dastur, kundalik va korxonaga yo`llanma beriladi.
Amaliyotga rahbarlik qilish bir tomonidan kafedra o`qituvchilariga, ikkinchi tomondan korxonaning iqtisodiy bo`limlarining rahbarlari va mutaxassislaridan biriga buyruq bilan yuklatiladi.
Kafedra tomonidan tayinlangan rahbar amaliyotni o`tash jarayoni ustidan nazoratni amalga oshiradi (kundalikni olib borishni, grafikga binoan bajarilgan topshiriqning hajmi va sifatini tekshirishni), uslubiy yordam ko`rsatadi va maslahatlar beradi.
Korxona tomonidan tayinlangan rahbar amaliyotchining kundalik ishini tashkil etadi, talabaga o`zining ish joyini tashkil etishda, amaliy materiallarni tanlash, o`rganish va tahlil etishga ko`maklashadi. Amaliyot tamom bo`lishi bilan har ikki rahbar ham hisobot bo`yicha yozma taqriz beradi.
Unda amaliyotchining ishchanligi bilan birga amalga oshirilgan hisoblar va keltirilgan raqamlar, ma`lumotlarning ob`ektivligi va aniqligi tavsiflanadi.